మూడు బాగ్స్ లో 26.5 కేజీల గంజాయి స్వాధీనం.
సీ కే న్యూస్ భద్రాద్రి కొత్తగూడెం జిల్లా ప్రతినిధి, ( సాయి కౌశిక్),
డిసెంబర్ 20,
ఖమ్మం జిల్లా ప్రొహిబిషన్ మరియు ఎక్సైజ్ డిప్యూటీ కమిషనర్ జి జనార్దన్ రెడ్డి మరియు అసిస్టెంట్ కమిషనర్ ప్రొహిబిషన్ అండ్ ఎక్సైజ్ (ఎన్ఫోర్స్మెంట్ ) జి గణేష్ ఆదేశాల మేరకు అసిస్టెంట్ ఎక్సైజ్ సూపరింటెండెంట్ (ఎన్ఫోర్స్మెంట్ )
కె.తిరుపతి సూచనలతో ఎన్ఫోర్స్మెంట్ సీఐ సర్వేశ్వర్ ఆధ్వర్యంలో బుధవారం భద్రాద్రి కొత్తగూడెం జిల్లా బూర్గంపహాడ్ మండలం లక్ష్మీపురం గ్రామంలో అనుమానస్పదంగా ఉన్న మూడు బాగ్స్ లో 26.5 కేజీల ఎండు గంజాయి ని స్వాధీనం చేసుకున్నారు.
ఇట్టి బాగ్స్ కి సంబందించిన వ్యక్తులపై ఆరా తీస్తున్నట్లు తెలిపి మరియు స్వాధీనం చేసుకున్న ఎండు గంజాయి విలువ బహిరంగ మార్కెట్ లో రూపాయలు 6,62,500 ఉంటుందని సీఐ సర్వేశ్వర్ తెలిపారు.
ఇట్టి దాడులలో కానిస్టేబుల్స్ కే. సుధీర్, పి. హరీష్,టి. వెంకట్ ,విజయ్ మరియు సిబ్బంది పాల్గొన్నారు.
