ఖమ్మం నగరంలో దారుణం
కన్నతల్లిని కొట్టిచంపిన కుమారుడు..
ఖమ్మం జిల్లా కేంద్రంలోని రామన్నపేటలో దారుణం జరిగింది. చెడు వ్యసనాలకు బానిసైన కొడుకు డబ్బుల కోసం కన్న తల్లినే కిరాతకంగా హత్య చేశారు.
శనివారం నాడు జరిగిన ఈ ఘటన ఆలస్యంగా వెలుగులోకి వచ్చింది.
వివరాల్లోకి వెళ్తే.. రామన్నపేటకు చెందిన శ్రవణ్‌ కొంతకాలంగా చెడు వ్యసనాలకు బానిసయ్యాడు. తల్లిదండ్రులు ఎంతగా చెప్పిన తన తీరు మార్చుకోలేదు. ఈ క్రమంలో శనివారం నాడు తల్లి రామలక్ష్మి(55)ను డబ్బుల కోసం వేధించాడు. ఈ క్రమంలోనే ఆమెను కొట్టి చంపాడు.
అనంతరం అక్కడి నుంచి పారిపోయాడు. కాగా, ఇంటికి వచ్చి చూసిన తండ్రికి రామలక్ష్మీ అనుమానాస్పదంగా మృతిచెంది ఉండటం కనిపించడంతో విషాదంలో మునిగిపోయాడు. దీనిపై పోలీస్‌ స్టేషన్‌కు వెళ్లి ఫిర్యాదు చేశాడు.
తన కుమారుడే ఈ హత్య చేసి ఉంటాడని అనుమానం వ్యక్తం చేశాడు. ఈ క్రమంలో కేసు నమోదుచేసుకున్న పోలీసులు దర్యాప్తు చేసి శ్రవణే తన తల్లిని కొట్టి చంపాడని నిర్ధారించారు.
