పూరీళ్లు విద్యుత్ షార్ట్ సర్క్యూట్ తో దగ్ధం.
సీ కే న్యూస్ సత్తుపల్లి ప్రతినిధి మునీర్.
మండల పరిధిలోని కృష్ణాపురం గ్రామంలోని ధరావత్ పోతా నాయక్ కు చెందిన పూరీళ్లు విద్యుత్ షార్ట్ సర్క్యూట్ తో దగ్గమైంది. సమాచారం అందుకున్న సత్తుపల్లి ఫైర్ స్టేషన్ సిబ్బంది ఫైర్ ఇంజన్ తో అక్కడికి చేరుకొని మంటలను అదుపు చేశారు.
అగ్నిప్రమాదంలో సుమారు రూ.60వేల ఆస్తినష్టం చోటు చేసుకోగా సుమారు రూ.2 లక్షల అస్తి నష్టాన్ని కాపాడినట్లు ఫైర్ ఆఫీసర్ చంద్రశేఖర్ తెలిపారు.
ఈ ప్రమాదాన్ని అదుపు చేసిన వారిలో ఫైర్ ఆఫీసర్ సిబ్బంది ఎం.వెంకటేశ్వర్లు, వై.వీరభద్రం, వి.వెంకటేశ్వరరావు, డి రాజేందర్ ఉన్నారు. అగ్ని ప్రమాదంలో ఆధార్, రేషన్, పెన్షన్ కార్డులు, గ్యాస్ బుక్, ల్యాండ్ రికార్డులు దగ్ధమవ్వగా రూ.10వేల నగదు దగ్దమైనట్లు బాధితులు తెలిపారు.
