![](https://cknewstv.in/wp-content/uploads/2024/05/IMG-20240512-WA0035.jpg)
కారులో కోటిన్నర… తప్పించుకునెందుకు యత్నం..
సినిమా తరహాలో పోలీసులు ఛేజ్..
ఖమ్మం జిల్లాలో లోక్ సభ ఎన్నికల నేపథ్యంలో పోలీసులు వాహనాల తనిఖీని చేపట్టారు. నాయకనగూడెం టోల్ప్లాజా వద్ద వాహనాల తనిఖీ నిర్వహిస్తుండగా ఓ కారును తనిఖీ చేయాలనుకునే లోపు నిలుపకుండా వేగంగా తప్పించుకునేందుకు ప్రయత్నించింది.
పోలీసులు పది కిలోమీటర్లు చేజింగ్ చేస్తున్న క్రమంలో కారు పల్టీకొట్టింది. అందులు రూ.కోటిన్నర నగదు బయటపడింది.ఖమ్మం పోలీసుల వివరాల ప్రకారం.. రాష్ట్ర రాజధాని నుంచి ఖమ్మం వైపునకు ఓ ఇన్నోవా వెళ్తోంది.
![](https://cknewstv.in/wp-content/uploads/2024/05/IMG-20240511-WA0049-791x1024.jpg)
నాయకనగూడెం వద్ద పోలీసులు తనిఖీ లు చేస్తుండగా ఇన్నోవా కారు ఆపితే ఆగకుండా వెళ్లింది. సిబ్బందికి అనుమానం వచ్చి ఆ కారును చేజ్ చేశారు. పది కిలోమీటర్ల మేర పోలీసులు వాహనాన్ని తరిమారు.
ఈ క్రమంలో దేవుడి తండా వద్ద ఇన్నోవా వాహనం అదుపుతప్పి బోల్తా కొట్టింది. ఈ ఘటనలో కారులో ప్రయాణం చేసిన ఒకరికి గాయాలు కాగా ఆ వాహనంలో కోటిన్నర రూపాయలు పైగా నగదు బయట పడింది. పోలీసులు నగదును స్వాధీనం చేసుకున్నారు.