నిరుద్యోగులకు అలర్ట్‌.. సింగరేణిలో ఉద్యోగాలకు నోటిఫికేషన్ విడుదల.

నిరుద్యోగులకు శుభవార్త.. సింగరేణిలో ఉద్యోగాలకు నోటిఫికేషన్ విడుదలయ్యింది. కొత్తగూడెంలోని సింగరేణి కాలరీస్ కంపెనీ లిమిటెడ్ వివిధ విభాగాల్లో ఖాళీగా ఉన్న పోస్టుల భర్తీకి ఉద్యోగ ప్రకటనను జారీ చేసింది.

ఈ నోటిఫికేషన్‌లో భాగంగా ఎగ్జిక్యూటివ్‌ కేడర్‌/ నాన్‌ ఎగ్జిక్యూటివ్‌ కేడర్‌లో మొత్తం 327 ఖాళీలు భర్తీ కానున్నాయి. అర్హత, ఆసక్తి కలిగిన అభ్యర్థులు జూన్‌ 29లోపు ఆన్‌లైన్‌లో దరఖాస్తు చేసుకోగలరు. ఈ ఉద్యోగాలకు దరఖాస్తు చేసుకోవాలనుకునేవారు పోస్టును అనుసరించి సంబంధిత విభాగంలో పదో తరగతి, ఐటీఐ, డిప్లొమా, బీఈ/ బీటెక్‌/ బీఎస్సీ(ఇంజినీరింగ్‌) ఉత్తీర్ణత సాధించి ఉండాలి. ఈ పోస్టులకు అప్లయ్ చేయాలనుకునేవారు 18 నుంచి 30 ఏళ్ల మధ్య వయసు వారై ఉండాలి. ఎస్సీ, ఎస్టీ, బీసీ, దివ్యాంగ అభ్యర్థులకు అయిదేళ్ల వయో సడలింపు వర్తిస్తుంది. ఈ పోస్టులకు అప్లయ్ చేసేందుకు జనరల్ అభ్యర్థులు దరఖాస్తు ఫీజు రూ. 1000 చెల్లించాల్సి ఉంటుంది. ఎస్సీ, ఎస్టీ అభ్యర్థులయితే రూ. 100 చెల్లించాలి.

ఎంపిక విధానం : రిక్రూట్‌మెంట్ టెస్ట్ (ఆబ్జెక్టివ్ టైప్), సర్టిఫికెట్ వెరిఫికేషన్, మెడికల్ టెస్ట్ ఆధారంగా ఈపోస్టులకు ఎంపిక చేస్తారు. ఇతర పూర్తి సమాచారం కోసం అభ్యర్థులు ఈ వెబ్‌సైట్‌నుhttps://scclmines.com/scclnew/index.aspసంప్రదించగలరు.

ముఖ్యమైన తేదీలివే..

ఆన్‌లైన్‌లో దరఖాస్తు చేయుటకు 15/05/2024 ప్రారంభతేదిగా నిర్ణయించడమైనది.

ఆన్‌లైన్ దరఖాస్తు సమర్పణకు 29/06/2024 చివరి తేదీగా నిర్ణయించడమైనది.

మొత్తం పోస్టుల వివరాలివే..

పోస్టుల సంఖ్య మొత్తం : 327

ఎగ్జిక్యూటివ్ కేడర్ పోస్టులు

మేనేజ్‌మెంట్ ట్రైనీ (ఇ & ఎం), ఇ2 గ్రేడ్: 42 పోస్టులు

మేనేజ్‌మెంట్ ట్రైనీ (సిస్టమ్స్), ఇ2 గ్రేడ్: 07 పోస్టులు

నాన్-ఎగ్జిక్యూటివ్ కేడర్ పోస్టులు

జూనియర్ మైనింగ్ ఇంజినీర్ ట్రైనీ (జేఎంఈటీ), టి & ఎస్‌ గ్రేడ్-సి: 100 పోస్టులు

అసిస్టెంట్ ఫోర్‌మెన్ ట్రైనీ (మెకానికల్), టి & ఎస్‌ గ్రేడ్-సి: 09 పోస్టులు

అసిస్టెంట్ ఫోర్‌మెన్ ట్రైనీ (ఎలక్ట్రికల్), టి & ఎస్‌ గ్రేడ్-సి: 24 పోస్టులు