డిగ్రీ విద్యార్థులకు శుభవార్త
Dsc కి అప్లై చేసుకోండి ఇలా
తేలంగాణ రాష్ట్రప్రభుత్వం డిగ్రీ విద్యార్థులకు తీపికబురు చెప్పింది. డిగ్రీలో తక్కువ మార్కులు ఉండటం వల్ల డీఎస్సీ రాసేందుకు అర్హత కోల్పోయిన వారికి గుడ్ న్యూస్ తెలిపింది తెలంగాణ ప్రభుత్వం.
ఇందుకు సంబంధించిన విద్యాశాఖ ప్రత్యేక జీవో విడుదల చేసింది. 2011 సంవత్సరం కంటే ముందు డిగ్రీ పాసైన అభ్యర్థులకు మార్కులతో సంబంధం లేకుండానే డీఎస్సీకి అప్లై చేసుకునే వెసులుబాటును ప్రభుత్వం కల్పించింది. అంతేకాదు 2011 తర్వాత పాసైన అభ్యర్థులకు డీఎస్సీ క్వాలిఫైయింగ్ మార్కుల శాతాన్ని సైతం తగ్గిస్తూ అభ్యర్థులకు శుభవార్త తెలియజేసింది.
ఈ మేరకు విద్యాశాఖ ముఖ్యకార్యదర్శి బుర్ర వెంకటేశం ఉత్తర్వులు విడుదల చేసిన సంగతి తెలిసిందే. గతంలో టీచర్ పోస్టుల భర్తీకి జారీచేసిన డీఎస్సీ నోటిఫికేషన్‌లో తెలిపిన మార్కుల శాతానికి సంబంధించి సవరణలు చేసినట్లు జీవోలో వెల్లడించారు.
2011 డిగ్రీ విద్యార్థులకు తీపికబురు
నేషనల్ కౌన్సిల్ ఆఫ్ టీచర్ ఎడ్యుకేషన్ (ఎన్సీటీఈ) నిబంధనల ప్రకారం స్కూల్ అసిస్టెంట్, లాంగ్వేజీ పండిట్, పీఈటీ తదితర పోస్టుల మార్కుల శాతాన్ని తగ్గిస్తూ విద్యాశాఖ జీవోలో తెలిపింది.
గతంలో డీఎస్సీ నోటిఫికేషన్‌లో డిగ్రీలో ఓసీలకు 50% మార్కులు, ఎస్సీ, ఎస్టీ, బీసీ, వికలాంగ అభ్యర్థులకు 45% మార్కులు కలిగి ఉన్నవారిని అర్హులుగా ప్రకటించింది. అయితే ఈ అంశంపై కొందరు అభ్యర్థులు నాడు సుప్రీంకోర్టును ఆశ్రయించిన సంగతి తెలిసిందే. ఈ క్రమంలో మార్కుల శాతాల్లో మార్పులను చేస్తూ ఎన్సీటీఈ గెజిట్ ఉత్తర్వులు జారీచేసింది.
2011 జులై 29 కంటే ముందు పాసైన డిగ్రీ అభ్యర్థులు అంతా మార్కులతో సంబంధం లేకుండా టీచర్ పోస్టులకు అర్హులుగా ఉంటారని గెజిట్ ఉత్తర్వుల్లో పేర్కొంది. అనంతరం డిగ్రీ పాసైన విద్యార్థులకు సంబంధించి ఓసీలకు 45%., ఎస్సీ, ఎస్టీ, బీసీ, ఇతరులకు 40% మార్కులు అంటే 5శాతానికి తగ్గిస్తూ మరో జీవో విడుదల చేసింది.
ఈనెల 20 వకు దరఖాస్తు
గతంలో బీఆర్ఎస్ ప్రభుత్వం డీఎస్సీ నోటిఫికేషన్ విడుదల చేసిన సంగతి తెలిసిందే. 5వేల పోస్టులకు సంబంధించి డీఎస్సీ నోటిఫికేషన్ విడుదల చేసింది.
అయితే ఎన్సీటీఈ ఉత్తర్వులు పట్టించుకోకుండా పాతపద్ధతిలోనే మార్కుల కటాఫ్ పెట్టి మరీ డీఎస్సీ నోటిఫికేషన్ ఇచ్చింది. అనంతరం జరిగిన ఎన్నికల్లో బీఆర్ఎస్ పార్టీ ఓటమి పాలైన సంగతి తెలిసిందే. ఈ క్రమంలో రేవంత్ రెడ్డి ముఖ్యమంత్రిగా ప్రమాణ స్వీకారం చేశారు.
నాడు బీఆర్ఎస్ విడుదల చేసిన డీఎస్సీ పోస్టులకు సంబంధించి కొత్త నోటిఫికేషన్ విడుదల చేసింది. రేవంత్ రెడ్డి సర్కార్ ఇచ్చిన పోస్టులను డబుల్ చేస్తూ…కాంగ్రెస్ ప్రభుత్వం 11వేల పోస్టుల భర్తీకి మెగా డీఎస్సీ నోటిఫికేషన్ ఇచ్చారు. అర్హతలన్నీ పాతవే ఉండటంతో…తాజాగా దీన్ని మార్పులు చేశారు.
ఎన్సీటీఈ ఉత్తర్వుల ప్రకారం మార్కుల అర్హత శాతాన్ని తగ్గిస్తున్నట్టు విద్యాశాఖ అధికారులు ప్రకటించారు. ఇకపోతే ఈనెల 20 వరకూ దరఖాస్తునకు అవకాశం ఉండటంతో తక్కువ మార్కులున్న అభ్యర్థులు దరఖాస్తు చేసుకునేందుకు అవకాశం ఉన్న సంగతి తెలిసిందే.
