నేడు పార్లమెంట్ ముట్టడికి విద్యార్థుల పిలుపు
జంతర్ మంతర్ వద్ద విద్యార్థుల నిరసన
న్యూ ఢిల్లీ : నీట్ పేపర్ లీక్ అంశం దేశంలో ఇప్పుడు హాట్ హాట్ గా మారింది. అనేక కోణంలో ఏజెన్సీలు దర్యాప్తు ముమ్మరం చేస్తున్నాయి.
మరోవైపు ఎన్టీఏ-నీట్ యూజీ, పీజీ, యూజీసీ నెట్ పరీక్షల్లో జరిగిన అవ కతవకలపై విద్యార్థులు జంతర్ మంతర్ వద్ద ఈరోజు ఆందోళనకు పిలుపునిచ్చారు.
విద్యార్థులు తమ డిమాండ్ల కోసం మంగళవారం పార్ల మెంటు వైపు మార్చ్‌కు సిద్ధమయ్యారు. విద్యార్థులు చేపట్టిన నిరవధిక సమ్మె సోమవారం నాటికి ఆరో రోజుకు చేరుకుంది.
గత వారం బుధవారం ప్రారంభమైన ఈ పరీక్షల్లో ఆరోపించిన రిగ్గింగ్‌కు వ్యతిరేకంగా తమ ఆందో ళనను కొనసాగించడానికి “ఇండియా ఎగైనెస్ట్ ఎన్‌టి ఎ” బ్యానర్‌తో వందలాది మంది విద్యార్థులు నిరసనప్రదర్శన చేపట్టారు.
విద్యార్థులడిమాండ్లు ఏమిటి?
ఎన్‌టీఏపై నిషేధం, కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయా లని డిమాండ్ చేస్తూ.. విద్యార్థులు నిరసన చేపట్టారు.
అందరికీ నీట్-యూజీని పునఃపరీక్షించాలని, పాత యూనివర్సిటీ-నిర్దిష్ట ప్రవేశ పరీక్ష విధానాన్ని పునరు ద్ధరించాలని విద్యార్థులు డిమాండ్ చేశారు. వామపక్ష అనుబంధ AISA, ఢిల్లీ విశ్వవిద్యాలయం KYS సభ్యులు నిరసనలో పాల్గొన్నారు.
వీరితోపాటు ఇతర విద్యార్థు లు కూడా ఉన్నారు.వీరి నిరసన నేడు ఆరోరోజుకు చేరింది. దీంతో విద్యార్థులు జంతర్ మంతర్ భారీ ఎత్తున నినాదాలు చేస్తూ.. విద్యాశాఖ మంత్రి ధర్మేంద్ర ప్రధాన్ రాజీనామా ను డిమాండ్ చేస్తూ “ఎన్టీఏ వ్యతిరేక” నినాదాలు చేశారు.
కాగా నేడు పార్లమెంటుకు కవాతుగా వెళ్లాలని విద్యా ర్థులు పిలుపునిచ్చారు. ప్రస్తుతం బీహార్, గుజరా త్‌లోని పలు కేంద్రాల్లో ఎన్టీఏ నిర్వహించిన పరీక్షల్లో పేపర్ లీక్, అవినీతి ఘటనలపై సీబీఐ దర్యాప్తు చేస్తోంది….
