టిజి మోడల్ స్కూల్ లో విద్యార్థులకు ఫుడ్ పాజయిన్‌
తెలంగాణ మోడల్ స్కూల్స్‌లో విద్యార్థులకు కల్పిస్తున్న సౌకర్యాల విషయంలో అధికారులు తీవ్ర నిర్లక్ష్య వ్యవహరిస్తున్నట్టుగా కనిపిస్తుంది.
కొన్ని చోట్ల విద్యార్థులు ఫుడ్ పాజయిన్‌ బారినపడి అస్వస్థతకు గురికావడం తల్లిదండ్రులను తీవ్ర ఆందోళనకు గురిచేస్తుంది.తాజాగా మెదక్ జిల్లాలో మరో నిర్లక్ష్యపు ఘటన వెలుగులోకి వచ్చింది.
రామాయంపేట తెలంగాణ మోడల్ స్కూల్‌కు చెందిన 35 మంది విద్యార్థినులు అల్పాహారం చేసిన తర్వాత అస్వస్థతకు గురయ్యారు. అల్పాహారంగా దొడ్డు ఉప్మా తిన్న విద్యార్థినులు ఒక్కొక్కరుగా వాంతులు చేసుకన్నారు.
దీంతో వెంటనే మోడల్ స్కూల్ సిబ్బంది విద్యార్థులను రామాయంపేట ప్రభుత్వ ఆస్పత్రికి తరలించారు. దీంతో విద్యార్థినుల పరీక్షించిన వైద్యులు.. ఆ తర్వాత వారిని పంపించారు.
అయితే ముగ్గురు విద్యార్థినులు తీవ్ర అస్వస్థతకు గురికాగా.. మాత్రం ఆస్పత్రిలో చికిత్స అందిస్తున్నారు. అయితే తమకు అందించిన అల్పాహారంలో బల్లి కనిపించిందని విద్యార్థులు ఆరోపించారు.
తమకు విద్యార్థులు మొబైల్ ఫోన్లు వినియోగించేందుకు అనుమతి లేకపోవడంతో.. అల్పాహారంలో బల్లి చిత్రాలు, వీడియోలు తీయలేకపోయామని చెబుతున్నారు.
అయితే ఈ విషయం తెలుసుకున్న మాజీ ఎమ్మెల్యే, కాంగ్రెస్ నేత మైనంపల్లి హన్మంతరావు రామాయంపేట ప్రభుత్వ ఆస్పత్రికి చేరుకున్నారు.
విద్యార్థినుల ఆరోగ్య పరిస్థితిని వైద్యులను అడిగి తెలుసుకున్నారు. వారికి మెరుగైన వైద్యం అందించాలని సూచించారు. విద్యార్థినులతో కూడా ఆయన మాట్లాడి వివరాలు అడిగి తెలుసుకున్నారు.
