తెలంగాణ ప్రదేశ్ కాంగ్రెస్ కమిటీ జనరల్ సెక్రెటరీ గా బేబీ స్వర్ణకుమారి

తెలంగాణ ప్రదేశ్ కాంగ్రెస్ కమిటీ జనరల్ సెక్రెటరీ గా బేబీ స్వర్ణకుమారి

కష్టానికి ప్రతిఫలంగా భావిస్తున్న : బేబీ స్వర్ణకుమారి

ఖమ్మం : కాంగ్రెస్ హైకమాండ్ టీపీసీసీ కార్యవర్గ నియామకంలో భాగంగా కాంగ్రెస్ నాయకురాలు బేబీ స్వర్ణకుమారి కి జనరల్ సెక్రెటరీ పదవి వరించింది దీంతో బేబీ స్వర్ణకుమారి స్పందిస్తూ ఈ పదవి నేను నా కష్టానికి ప్రతిఫలంగా భవిస్తున్నాని నాకు పదవి రావడం కృషి చేసిన జిల్లా, రాష్ర్ట,జాతీయ నాయకులకు పెరు పెరున కృతజ్ఞతలు తెలిపారు.బేబీ స్వర్ణకుమారి కి పదవి రావడంతో అభిమానులు సంబరాలు చేసుకున్నారు

తెలంగాణ (Telangana) కాంగ్రెస్ పార్టీలో కీలక మార్పులు చోటుచేసుకున్నాయి. నూతన శక్తిని సేకరించేందుకు, తెలంగాణ ప్రదేశ్ కాంగ్రెస్ కమిటీ (టీపీసీసీ) (TPCC)కి కొత్త కార్యవర్గాన్ని సోమవారం ప్రకటించింది.

ఢిల్లీలోని ఏఐసీసీ కార్యాలయం నుంచి అధికారికంగా ఈ ప్రకటన వెలువడింది. ఈ కొత్త కమిటీలో అనుభవజ్ఞులైన నేతలు, యువ నాయకులు, ప్రస్తుత ప్రజాప్రతినిధులకు ప్రత్యేక స్థానం కల్పించారు.ఈసారి టీపీసీసీ కార్యవర్గంలో మొత్తం 27 మందిని ఉపాధ్యక్షులుగా నియమించారు. ఇందులో ఎంపీ రఘువీర్ రెడ్డి, ఎమ్మెల్యేలు నాయిని రాజేందర్ రెడ్డి, వి. వంశీ కృష్ణ, ఎమ్మెల్సీ బల్మూరి వెంకట్తో పాటు సీనియర్ నాయకుడు, మాజీ మంత్రి బసవరాజు సారయ్యకి కూడా కీలక బాధ్యతలు అప్పగించారు.కొత్తగా ఎంపికైన వారిలో రాష్ట్ర రాజకీయాలను బాగా అర్థం చేసుకునే నాయకులు ఉన్నారు. యువతలో ప్రత్యేక గుర్తింపు పొందిన నాయకులతో పాటు, తరతరాల అనుభవం ఉన్నవారికి పదవులు ఇచ్చారు. ఇది టీపీసీసీని మరింత సమర్థవంతంగా ముందుకు నడిపించేందుకు ఏఐసీసీ వేసిన వ్యూహంగా చెప్పవచ్చు.

69 మంది ప్రధాన కార్యదర్శులు

పార్టీ నిర్మాణాన్ని బలోపేతం చేయడంలో మరో కీలక అడుగు వేసింది కాంగ్రెస్ అధిష్ఠానం. మొత్తం 69 మందిని ప్రధాన కార్యదర్శులుగా నియమించింది. ఇందులో కూడా ప్రస్తుత శాసనసభ్యులకు మంచి ప్రాధాన్యత ఇచ్చారు. ముఖ్యంగా, వేడ్మ బొజ్జు, పర్ణికారెడ్డి, మట్టా రాఘమయి వంటి ఎమ్మెల్యేలు ఈ జాబితాలో చోటు చేసుకున్నారు. వీరి నియామకం ద్వారా టీపీసీసీకి నూతన ఉత్సాహం చేకూరనుంది.

యువ నాయకులకు అధిష్టాన నమ్మకం

ఈ తాజా కమిటీలో యువతకు స్పష్టంగా స్థానం ఇచ్చినట్లు కనిపిస్తోంది. ఇది పార్టీని కొత్త దిశగా నడిపించే ప్రయత్నంగా భావించవచ్చు. సమాజంలోని అన్ని వర్గాల ప్రతినిధులను కలుపుతూ రూపొందించిన ఈ కమిటీ ద్వారా కాంగ్రెస్ పార్టీ రాష్ట్ర వ్యాప్తంగా బలంగా నిలవాలని లక్ష్యంగా పెట్టుకుంది.

రాబోయే రోజుల్లో రేసు ముమ్మరం

కొత్త కమిటీలోని నియామకాలు రాబోయే పార్లమెంటు ఎన్నికలకు ప్రాధాన్యతను సూచిస్తున్నాయి. టీపీసీసీని బలంగా తయారుచేసి, రాష్ట్రంలో పార్టీని తిరిగి పునరుజ్జీవింపజేయాలన్న లక్ష్యంతో ఈ కసరత్తు జరిగిందని విశ్లేషకులు చెబుతున్నారు. ముఖ్యంగా మునిగిన నౌకను తిరిగి తేల్చేందుకు పార్టీ నాయకత్వం వ్యూహాత్మకంగా అడుగులు వేస్తోంది.ఈ మార్పులు కేవలం పదవుల మార్పు మాత్రమే కాదు. పార్టీకి జీవం పోసేలా, భవిష్యత్‌ను దృష్టిలో ఉంచుకుని తీసుకున్న నిర్ణయాలు అని విశ్లేషకులు అభిప్రాయపడుతున్నారు. గ్రౌండ్ లెవెల్‌ నుంచి పోరాటం చేసే నాయకులకు అవకాశం ఇవ్వడం ద్వారా కార్యకర్తల్లో నూతన ఆత్మవిశ్వాసం ఏర్పడనుంది.