కుప్పకూలిన ప్రైవేట్ జెట్.. ముక్కలైన విమానం!
కర్ణాటకలో విమాన ప్రమాదం సంభవించింది. ఆదివారం మధ్యాహ్నం విజయపుర జిల్లా బబలేశ్వర్ తాలూకాలోని మంగళూరు గ్రామంలో రెడ్ బర్డ్ సంస్థకు చెందిన ప్రైవేట్ శిక్షణా విమానం కుప్పకూలింది. ఈ ఘోర ప్రమాదంలో పైలట్, ట్రైనీ పైలట్ తీవ్రంగా గాయపడ్డారు. క్షతగాత్రులను స్థానికులు వెంటనే ఆసుపత్రికి తరలించారు.
ఘటన స్థలాన్ని పరిశీలించిన అనంతరం స్థానిక పోలీసులు మాట్లాడుతూ.. ప్రస్తుతం దర్యాప్తు జరుగుతోందని, దర్యాప్తు పూర్తయిన తర్వాత అవసరమైన చర్యలు తీసుకుంటామని తెలిపారు.
ఈ సందర్భంగా పలువురు పోలీసులు మాట్లాడుతూ.. విజయపుర జిల్లా బాలాసోర్ తాలూకాలోని మంగళూరు గ్రామం సమీపంలో ఆదివారం మధ్యాహ్నం ఒక జెట్ విమానం కూలిపోయింది.
ప్రాథమిక దర్యాప్తులో విమానం కలబురగి సమీపంలో గాల్లో ఊగడం ప్రారంభించిందని తెలుస్తోంది. పైలట్ విమానాన్ని నియంత్రించడానికి ప్రయత్నించాడు,
కానీ అది మంగళూరు సమీపంలోని పొలంలో కూలిపోయింది. విమానంలో ఉన్న ఇద్దరు వ్యక్తులు తీవ్రంగా గాయపడ్డారు, స్థానికులు వారిని చికిత్స నిమిత్తం ఆసుపత్రికి తరలించారు.
ప్రమాదానికి కారణాలు ఏమిటంటే.. విజయపురలోని మంగళూరు గ్రామ సమీపంలోని పొలంలో కూలిపోయిన జెట్ విమానంపై దర్యాప్తు ప్రారంభమైంది.
ఇప్పటి వరకు జరిగిన దర్యాప్తులో ఇంధన కొరత ప్రమాదానికి కారణమని తేలింది. అయితే ఇంకా పోలీసులు ప్రమాదానికి కారణమైన వాటిపై అధికారిక ప్రకటన విడుదల చేయలేదు.
ఈ సంఘటనపై స్థానిక పోలీసులు దర్యాప్తు ప్రారంభించారు. రెడ్ బర్డ్ ఏవియేషన్ కూడా ప్రమాదానికి కారణాలను వెల్లడించలేదు. గాయపడిన వారిని పైలట్, ట్రైనీ పైలట్గా గుర్తించారు. రెడ్బర్డ్ ఏవియేషన్ భారతదేశంలోని ప్రముఖ విమాన శిక్షణ అకాడమీ.
ఇది సెస్నా 172 టాంగో చార్లీ ప్రైవేట్ జెట్లో విమాన శిక్షణను అందిస్తుంది. శిక్షణ కోసం ప్రపంచ స్థాయి విమానాలను ఉపయోగిస్తుంది. ఈ అకాడమీ బారామతి, బెలగావి, సియోనిలోని శిక్షణా కేంద్రాల నుంచి పైలట్ శిక్షణను అందిస్తుంది.
