గ్రామ అభివృద్ధి దిశగా ఎస్బీఐ ముందడుగు
ఎస్బీఐ ఆధ్వర్యంలో సర్పంచ్లకు ఘన సత్కారం
ప్రజాప్రతినిధులకు బీమా పథకాలపై వివరణ
సీకే న్యూస్ ప్రతినిధి ఇస్లావత్ నరసింహ ఏన్కూరు ఫిబ్రవరి 13 2026: స్టేట్ బ్యాంక్ ఆఫ్ ఇండియా ఏన్కూరు శాఖ ఆధ్వర్యంలో శుక్రవారం మండలంలోని నూతన సర్పంచ్లు, ఉపసర్పంచ్లకు ఘన సన్మాన కార్యక్రమం నిర్వహించారు.
ఈ కార్యక్రమానికి ఖమ్మం ప్రాంతీయ కార్యాలయ ప్రాంతీయ మేనేజర్ రాజశేఖర్, ముఖ్య నిర్వహణ విక్రయ విభాగాధికారి రామ్ భారణ్, ఏన్కూరు మండల అభివృద్ధి అధికారి భాగ్యశ్రీ ముఖ్య అతిథులుగా హాజరయ్యారు. కార్యక్రమాన్ని ఏన్కూరు ఎస్బీఐ మేనేజర్ బాదావత్ జగన్ ఆధ్వర్యంలో నిర్వహించారు.
ఈ సందర్భంగా ప్రాంతీయ మేనేజర్ రాజశేఖర్ మాట్లాడుతూ గ్రామ అభివృద్ధి సర్పంచ్ల నాయకత్వంలోనే సాధ్యమవుతుందని పేర్కొన్నారు. ప్రతి గ్రామ పౌరుడు ఎస్బీఐలో బ్యాంకు ఖాతా ప్రారంభించుకోవాలని, జీరో నిల్వతో ఖాతా సౌకర్యం అందుబాటులో ఉందని తెలిపారు.
ప్రమాద బీమా పథకాల ప్రాముఖ్యతను కూడా వివరించారు.
అనంతరం ఎస్బీఐ మేనేజర్ బాదావత్ జగన్ మాట్లాడుతూ మండలంలోని గ్రామ పంచాయతీల సర్పంచ్లు, ఉపసర్పంచ్లను సన్మానించడం ఆనందంగా ఉందన్నారు.
ప్రతి పౌరుడికి ఎస్బీఐ ఖాతా ఉండడం ద్వారా ప్రభుత్వ పథకాల లబ్ధి సులభంగా పొందవచ్చని తెలిపారు. ఈ సందర్భంగా ప్రధానమంత్రి జీవన్ జ్యోతి బీమా యోజన మరియు ప్రధాన్ మంత్రి సురక్ష బీమా యోజన వంటి బీమా పథకాలపై అవగాహన కల్పించారు.
ఖాతాదారులు తమ ఆధార్ నంబర్ను బ్యాంకు ఖాతాకు అనుసంధానం చేసుకోవడంతో పాటు మొబైల్ నంబర్, ఈ-మెయిల్ చిరునామాలను జత చేయాలని సూచించారు. దాని ద్వారా బ్యాంకుకు రాకుండానే మొబైల్ సేవల ద్వారా చిన్న ఖాతా వివరాలను తెలుసుకోవచ్చని తెలిపారు.
ఒకసారి ఉపయోగించే సంకేత సంఖ్య, ఏటీఎం రహస్య సంఖ్య వంటి గోప్యమైన వివరాలను ఇతరులతో పంచుకోరాదని సూచించారు. ఈ కార్యక్రమంలో బ్యాంకు సిబ్బందితో పాటు వినియోగదారుల సేవా కేంద్ర సభ్యులు నవ్య, నవీన్, రవి, నాగరాజు, ధీరావత్ సందీప్ కుమార్ నాయక్ తదితరులు పాల్గొన్నారు.
