పాలేరు నియోజకవర్గ స్థాయి క్రికెట్ పోటీలను ప్రారంభించిన తుంబూరు దయాకర్ రెడ్డి
సికె న్యూస్ ప్రతినిధి
ఖమ్మం రూరల్ : నాయుడుపేట యూత్ ఆధ్వర్యంలో నిర్వహిస్తున్న పాలేరు నియోజకవర్గస్థాయి క్రికెట్ పోటీలను మంత్రి పొంగులేటి క్యాంపు కార్యాలయ ఇన్ చార్జ్ తుంబూరు దయాకర్ రెడ్డి ముఖ్యఅతిథిగా హాజరై బుధవారం ప్రారంభించారు.
నాయుడుపేట మైదానంలో జరుగుతున్న ఈ పోటీలను నాయుడుపేట యూత్ బాధ్యులు జి.సాయి, పి.సాయి, ఏసు పర్యవేక్షిస్తున్నారు. ఈ సందర్భంగా ఏర్పాటు చేసిన కార్యక్రమంలో దయాకర్ రెడ్డి మాట్లాడుతూ కాంగ్రెస్ పార్టీ హయాం లో గ్రామీణ ప్రాంత క్రీడాకారుల ప్రతిభ వెలికితీయడం జరుగుతోందని హామీ ఇచ్చారు.
ఇందుకోసం మంత్రి పొంగులేటి ప్రత్యేక శ్రద్ధ పెట్టారని తెలిపారు. ఈ ప్రారంభ కార్యక్రమంలో కాంగ్రెస్ పార్టీ నాయకులు రామ్మూర్తి నాయక్, కల్లెం వెంకట్ రెడ్డి, మద్ది కిశోర్ రెడ్డి, అజ్మీరా అశోక్ నాయక్, అజ్మీరా కిశోర్ నాయక్, ఏనుగు వెంకట్ రెడ్డి, తిప్పి రెడ్డి రాజశేఖర్ రెడ్డి, మద్ది వీరా రెడ్డి, ముత్యం కృష్ణారావు, తోట వీరభద్రం, గునిగంటి రమేష్ తదితరులు పాల్గొన్నారు.
