తల్లాడలో హోరెత్తిన బీజేపీ అభ్యర్థి తాండ్ర వినోద్ రావు ప్రచారం..
డప్పు వాయిద్యాలు మేళ తాళాలతో ఘన స్వాగతం పలికిన మహిళలు..
ఖమ్మం /తల్లాడ మే 5 సీకే న్యూస్ ప్రతినిధి విజయ్
ఖమ్మం బిజెపి పార్లమెంట్ అభ్యర్థి తాండ్ర వినోద రావు ఆదివారం తల్లాడలో చేపట్టిన ప్రచారం హోరెత్తింది. తల్లాడ మండల అధ్యక్షులు ఆపతి వెంకట రామారావు ఆధ్వర్యంలో ప్రచార కార్యక్రమం నిర్వహించారు. ఈ కార్యక్రమానికి తాండ్ర వినోద రావు హాజరై ఓట్లను అభ్యర్థించారు.
ఈ సందర్భంగా ఆయన మాట్లాడుతూ మోడీ ప్రభుత్వం కేంద్రంలో అనేక అభివృద్ధి సంక్షేమ పథకాలను ప్రవేశపెట్టారని తెలిపారు. దేశ ప్రజల కలల కన్నా రామాలయాన్ని నిర్మించి ప్రజల గుండెల్లో చిరస్థాయిగా నిలిచారని గుర్తు చేశారు. కార్పొరేట్ శక్తుల ఆట కట్టించి ప్రతి ఒక్కరికి మేలు జరిగే విధంగా పథకాలు తెచ్చారన్నారు.
ప్రతి ఒక్కరూ కమలం పువ్వు గుర్తుకు ఓటు వేసి గెలిపించాలని అభ్యర్థించారు. తొలుత మహిళలు డప్పు వాయిద్యాలు మేళతాళాల నడుమ ఆయనకు ఘన స్వాగతం పలికారు. తల్లాడ చరిత్రలో బిజెపికి ఎన్నడూ లేని విధంగా ప్రజలందరూ బ్రహ్మరథం పట్టారు.
తాండ్ర వినోద రావు ఓపెన్ టాప్ జిపు ఫై ఉండి ప్రజలకు అభివాదం చేస్తూ ప్రతి ఒక్కరూ పలకరిస్తూ ముందుకు సాగారు. ఈ కార్యక్రమంలో బిజెపి నాయకులు నంబూరు రామలింగేశ్వరరావు, బిజెపి మండల అధ్యక్షులు ఆపతి వెంకట రామారావు, ఎంపీటీసీ చల్లా తిరుమల దేవి, నాయకులు చల్లానాగులు, పార్టీ శ్రేణులు మహిళలు పాల్గొన్నారు.
