ప్రమాదవశాత్తు స్కూల్ బస్సు కిందపడి మహిళ మృతి
ములుగు: ప్రమాదవశాత్తు ప్రైవేట్ స్కూల్ బస్సు కిందపడి మహిళ మృతి చెందింది. ఈ సంఘటన మర్కుక్ మండలం భవనందాపూర్ గ్రామంలో శుక్రవారం చోటు చేసుకుంది.
మర్కుక్ ఎస్సై తెలిపిన వివరాల ప్రకారం భవనందాపూర్ గ్రామానికి చెందిన బాసారం యాదమ్మ( 56) సంవత్సరాలు మతిస్థిమితం సరిగా లేక పోవడంతో ఎక్కడ పడితే అక్కడ కూర్చుని ఉండేది.
రోజు మాదిరిగానే శుక్రవారం ఇంటి ముందు ఆపి ఉన్న ప్రైవేటు స్కూల్ బస్సు వద్ద కూర్చుని అన్నం తింటుంది ఇది గమనించిన బస్సు డ్రైవర్ బస్సు తీయగా ఆమె బస్సు వెనకాల టైర్ కింద పడిపోవడంతో బస్సు ఆమె పై నుంచి పోవడంతో అక్కడికక్కడే మృతి చెందింది.
మృతురాలి కొడుకు బాసారం వెంకటేష్ ఫిర్యాదు మేరకు మర్కుక్ పోలీసులు కేసు నమోదు చేసుకుని దర్యాప్తు చేస్తున్నట్లు తెలిపారు.
