కేఎంసీలో ఫైళ్లు మాయం.. అటెండర్ సస్పెండ్

ఖమ్మం: కేఎంసీలో ఫైళ్లు మాయం.. అటెండర్ సస్పెండ్

ఖమ్మం నగరపాలక సంస్థ కార్యాలయం ఇంజనీరింగ్ విభాగంలో డీబీ సెక్షన్ కు సంబంధించి కొన్ని ఫైళ్లు కనిపించడం లేదని ఇటీవల గుర్తించారు. ఓ వర్క్ ఇన్స్పెక్టర్ ఫైళ్లను బయటకు తెప్పించినట్లు తెలియగా, అందుకు అటెండర్ రాజేశ్వరిని అధికారులు సస్పెండ్ చేసినట్లు సమాచారం. అలాగే, వర్క్ ఇన్స్పెక్టర్ పై చర్యలకు సిద్ధమైనట్లు తెలిసింది. ఇక విధుల్లో నిర్లక్ష్యంగా వ్యవహరిస్తున్న ఓ బిల్ కలెక్టర్ కు షోకాజ్ నోటీసులు జారీ చేశారు.