సూర్యాపేట జిల్లా కేంద్రంలో ఘోర రోడ్డు ప్రమాదం జరిగింది. హైదరాబాద్- విజయవాడ జాతీయ రహదారి 65 పై ఆగి ఉన్న లారీని ఆటో ఢీకొట్టింది.
అదే సమయంలో వెనక నుంచి వచ్చిన ఎర్టీగా కారు ఆటోను ఢీకొట్టింది. ఈ ప్రమాదంలో నలుగురు మృతిచెందినట్టు ప్రాథమికంగా అందుతున్న సమాచారం. ప్రమాదం సమయంలో ఆటోలో 20 మంది వరకు ప్రయాణికులు ఉన్నట్లు తెలుస్తోంది. ఈ ఆటో సూర్యాపేట నుంచి అర్వపల్లి వెళ్తుండగా అంజనాపురి కాలనీ క్రాసింగ్‌లో ఈ దుర్ఘటన జరిగింది. గాయపడిన వారిలో చిన్న పిల్లలు ఉన్నట్లు సమాచారం. రెండు వాహనాల మధ్య ఆటో చిక్కుకోవడంతో ప్రమాద తీవ్రత ఎక్కువగా ఉన్నట్లు తెలుస్తోంది. దీనిపై పూర్తి సమాచారం అందాల్సి ఉంది.
