వైద్యుల నిర్లక్ష్యంతో మహిళ మృతి…
హాస్పిటల్లోని ఫర్నిచర్, అద్దాలు ధ్వంసం
వైద్యుల నిర్లక్ష్యంతో మహిళ మృతి చెందిందని సూరారంలోని మల్లారెడ్డి హాస్పిటల్ ఎదుట బాధిత కుటుంబసభ్యులు సోమవారం ఆందోళనకు దిగారు.
హాస్పిటల్లోని ఫర్నిచర్, అద్దాలు ధ్వంసం చేశారు.
బాధితుల కథనం ప్రకారం.. రోడా మేస్త్రీనగర్కు చెందిన కరీమా (29) నాలుగు నెలల కిందట గాల్బ్లాడర్సమస్యతో మల్లారెడ్డి హాస్పిటల్లో చేరింది. ఆమెకు డాక్టర్లు సర్జరీ చేసి, డిశ్చార్జీ చేశారు.
అనంతరం టెంపరరీగా ఏర్పాటు చేసిన యూరిన్ పైప్ను తొలగించాలని ఆదివారం సదరు మహిళ ఆసుపత్రికి వచ్చింది.
దీంతో డాక్టర్లు పైప్ను తొలగించి ఇంటికి పంపించారు. ఇంటికి వెళ్లిన తర్వాత ఆరోగ్యం క్షీణించడంతో తిరిగి మళ్లీ ఆమెను కుటుంబసభ్యులు ఆసుపత్రికి తీసుకొచ్చారు.
చికిత్స పొందుతూ సోమవారం చనిపోయింది. దీంతో వైద్యుల నిర్లక్ష్యం వల్లే చనిపోయిందని ఆరోపిస్తూ బాధిత కుటుంబసభ్యుల, బంధువులు ఆందోళన చేశారు.
ఆగ్రహాంతో ఆసుపత్రి లోపల అద్దాలు, ఫర్నిచర్ ధ్వంసం చేశారు. ఘటనాస్థలానికి చేరుకున్న పోలీసులు న్యాయం చేస్తామని పరిస్థితిని అదుపులోకి తెచ్చారు.
