*తుఫాను హెచ్చరిక.. అత్యవసరమైతేనే బయటకు రండి
ప్రజలకు చింతకాని ఎస్‌ఐ జి. నరేష్ సూచన*
సి కే న్యూస్ చింతకాని ప్రతినిధి.
బంగాళాఖాతంలో ఏర్పడిన తుఫాను ప్రభావంతో భారీ వర్షాలు, బలమైన ఈదురుగాలులు వీచే అవకాశం ఉన్నందున ప్రజలు అప్రమత్తంగా ఉండాలని చింతకాని ఎస్‌ఐ జి. నరేష్ సూచించారు. అత్యవసర పరిస్థితులు మినహా ఇళ్ల నుంచి బయటకు రావద్దని, వాతావరణ పరిస్థితులను దృష్టిలో ఉంచుకుని తగిన జాగ్రత్తలు పాటించాలని కోరారు. ఈదురుగాలుల కారణంగా విద్యుత్‌ తీగలు తెగిపడే ప్రమాదం ఉన్నందున విద్యుత్‌ స్తంభాలకు, తెగిపడిన తీగలకు దూరంగా ఉండాలని హెచ్చరించారు. చెట్ల కింద, శిథిలావస్థలో ఉన్న భవనాల సమీపంలో ఆశ్రయం పొందవద్దని సూచించారు. ప్రయాణికులు అప్రమత్తంగా ఉండాలని, ప్రమాదకర పరిస్థితులు ఎదురైతే వెంటనే పోలీసులకు లేదా సంబంధిత అధికారులకు సమాచారం అందించాలని ఎస్‌ఐ నరేష్ కోరారు.
(adsbygoogle = window.adsbygoogle || []).push({});