ఎల్బీనగర్ ఎసిపి కార్యాలయంలో ఉరేసుకున్న కానిస్టేబుల్
web desc : రంగారెడ్డి జిల్లా ఎల్ బి నగర్ ఎసిపి కార్యాలయంలో ఓ కానిస్టేబుల్ ఆత్మ*హత్య చేసుకున్నాడు. కానిస్టేబుల్ సాయి విధులు నిర్వహిస్తూనే బుధవారం తెల్లవారుజాము రెండు గంటలకు రెస్ట్ రూమ్ లో ఉరేసుకున్నాడు.
వెంటనే సాయి కుమార్ ను తోటి ఉద్యోగులు కామినేని ఆస్పత్రికి తరలించారు. ఘటనకు సంబంధించిన పూర్తి వివరాలపై పోలీసులు దర్యాప్తు చేస్తున్నారు.
సాయికుమార్ మృతిచెందిన విషయం తమకు ముందస్తుగా తెలియజేయకుండా మృతదేహాన్ని ఆసుపత్రికి తరలించారని ఆరోపిస్తూ ఆయన కుటుంబ సభ్యులు తీవ్ర ఆగ్రహం వ్యక్తం చేశారు. పోలీస్ స్టేషన్ ఎదుట ఆందోళనకు దిగిన కుటుంబ సభ్యులు.. అధికారుల వేధింపులు, అధిక పనిభారం కారణంగానే సాయికుమార్ తీవ్ర ఒత్తిడికి గురై ఉండొచ్చని ఆరోపించారు. అయితే ఈ ఆరోపణలు అధికారికంగా నిర్ధారణ కావాల్సి ఉంది.
మృతుడి సెల్ఫోన్ను తమకు అప్పగించాలని కుటుంబ సభ్యులు పోలీసులను డిమాండ్ చేశారు. ఫోన్లో ఉన్న సమాచారం దర్యాప్తులో కీలకంగా ఉండొచ్చని వారు పేర్కొన్నారు. సాయికుమార్ బి.ఎన్.రెడ్డి నగర్లోని ఓ ప్రైవేట్ హాస్టల్లో ఉంటూ విధులకు హాజరవుతున్నట్లు సమాచారం.
గత కొన్ని రోజులుగా విధుల్లో తీవ్రమైన పనిభారం ఉందని ఆయన తనతోటి రూమ్మేట్స్, స్నేహితులతో చెప్పేవాడని వారు తెలిపారు. అయితే సాయికుమార్ ఆత్మహత్యకు అసలు కారణం ఏమిటన్నది ఇంకా స్పష్టంగా తెలియరాలేదు. ఘటనపై కేసు నమోదు చేసి అన్ని కోణాల్లో దర్యాప్తు చేస్తున్నట్లు ఉన్నతాధికారులు వెల్లడించారు.
సాయికుమార్పై ఏమైనా ఒత్తిడి ఉందా? విధుల్లో ఎదురైన సమస్యలే కారణమా? లేక మరేదైనా వ్యక్తిగత కారణం ఉందా? అనే అంశాలను పోలీసులు పరిశీలిస్తున్నారు. పోలీసుల దర్యాప్తు, మృతుడి ఫోన్, ఇతర ఆధారాల విశ్లేషణ అనంతరం ఆత్మహత్యకు దారితీసిన అసలు కారణాలపై స్పష్టత వచ్చే అవకాశం ఉంది.
