దమ్ముంటే నా సినిమాలను బ్యాన్ చేయండి చూద్దాం..

దమ్ముంటే నా సినిమాలను బ్యాన్ చేయండి చూద్దాం..;

By :  Ck News Tv
Update: 2025-04-01 13:13 GMT

దమ్ముంటే నా సినిమాలను బ్యాన్ చేయండి చూద్దాం..

రివ్యూలపై ఫైర్ అయిన నాగవంశీ..

ప్రముఖ సినీ నిర్మాత నాగవంశీ సంచలన కామెంట్స్ చేశారు. దమ్ముంటే తన సినిమాలను బ్యాన్ చేయాలంటూ ప్రెస్ మీట్‌లో తీవ్ర ఆగ్రహం వ్యక్తం చేశారు.

ఇటీవల విడుదలైన మ్యాడ్ స్క్వేర్ చిత్రానికి సంబంధించి నిర్మాత నాగవంశీ మంగళవారం ప్రెస్ మీట్ నిర్వహించారు.

'మ్యాడ్‌ స్క్వేర్‌'రిలీజైన రోజు (28 మార్చి) కొంతమంది నెగెటివ్‌ ప్రచారం చేశారు.

సినిమా బాలేదని, కంటెంట్‌ లేకపోయినా సీక్వెల్‌ కాబట్టి ఆడుతోందని' మాట్లాడారు. అప్పుడు రిలీజైన రోజు ప్రెస్ మీట్ పెట్టాను. కానీ, ఎందుకులే అని ఏమీ మాట్లాడలేదు. ఎందుకంటే వాళ్ల పని వాళ్లు చేస్తున్నారు అనుకున్నా.

కానీ, ప్రస్తుతం సినిమా థియేటర్లలో బాగా ఆడుతున్నప్పటికీ.. ఆ రివ్యూల మీద సోషల్‌ మీడియాలో పోస్టులు పెడుతున్నారు. అయితే, ఇలాంటివి మరి ఎక్కువ అవ్వకూడదు కదా అని నాగవంశీ అన్నారు.

ఇప్పటికీ కూడా మాపై అంతగా పగ ఉంటే.. దమ్ముంటే నా సినిమాలు బ్యాన్ చేసి చూపించండి. నా సినిమా ఆర్టికల్స్ రాయకండి. నా దగ్గర యాడ్ తీసుకోకండి. నా సినిమాల రివ్యూలు రాయకండి. చూద్దాం.. నా సినిమాను ఎలా ప్రమోట్‌ చేసుకోవాలో నాకు బాగా తెలుసు.

వెబ్ సైట్లు రాస్తేనే, మా సినిమాలు ఆడట్లేదు కదా అని నాగవంశీ ప్రశ్నించారు. సినిమాలు ఆడితేనే మీరూ ఉంటారు. లేకపోతే ఇంటికి వెళ్లాల్సి ఉంటుంది.

అది గుర్తుపెట్టుకుని ప్రవర్తించండి.. అని నాగవంశీ మీడియాపై ఆగ్రహం వ్యక్తం చేశారు. నిర్మాతలు, మీడియా కలిసి పనిచేస్తేనే ఇద్దరికీ మంచిదని నాగవంశీ గుర్తుచేశారు.

Similar News