కీచక టీచర్.. విద్యార్థినులతో అసభ్య ప్రవర్తన

కీచక టీచర్.. విద్యార్థినులతో అసభ్య ప్రవర్తన

హయత్ నగర్‌లోని భాగ్యలతలో గల 'శ్లోక' స్కూల్​లో ఇంగ్లీష్ ​టీచర్​ తీరు దారుణంగా ఉందని, విద్యార్థినుల పట్ల అసభ్యంగా ప్రవర్తిస్తున్నారని శుక్రవారం వారి తల్లిదండ్రులు స్కూల్​కు వచ్చి ఆందోళనకు దిగారు.

ఎనిమిదో తరగతి చదువుతున్న స్టూడెంట్ల పట్ల అసభ్యంగా ప్రవర్తించారని స్కూల్​ యాజమాన్యాన్ని, సదరు టీచర్​ను నిలదీశారు. క్లాస్​లో జరిగిన విషయం తల్లిదండ్రులకు ఎందుకు చెప్పారని కొట్టడం దారుణమన్నారు. 8వ తరగతి చదువుతున్న విద్యార్థుల క్లాస్​లో ఇంగ్లీష్​ టీచర్​ పాషా అనవసరమైన లవ్​ అనే టాపిక్​ గురించి మాట్లాడితే.. ఇదేంటని అడిగిన విద్యార్థినులను కొట్టడమేమిటని ప్రశ్నించారు. వెంటనే సదరు టీచర్​ను స్కూల్​నుంచి తొలగించాలని వారు డిమాండ్​ చేశారు.

టీచర్​ పాషా తాను తెలుగులో మాట్లాడినందుకే కొట్టానని వివరణ ఇవ్వడంతో తల్లిదండ్రులు మరింత ఆగ్రహం వ్యక్తం చేశారు. మాతృభాష తెలుగులో మాట్లాడితే తప్పేమిటని ఆగ్రహం వ్యక్తం చేశారు. ఈ సంఘటనపై స్కూల్​ చైర్మన్​ శ్రీనివాస్​రెడ్డి మాట్లాడుతూ.. టీచర్​ ప్రవర్తించిన తీరు సరికాదని, అతడిని విధుల ​నుంచి తొలగిస్తున్నట్లు తెలిపారు. క్రమశిక్షణ విషయంలో స్కూల్​ యాజమాన్యం కఠినంగా ఉంటుందని, టీచర్లు, విద్యార్థులు ఎవరూ అతిక్రమించినా వెంటనే చర్యలు తీసుకుంటామని ఆయన ఈ సందర్భంగా తెలిపారు. ఈ ఘటనపై పలు విద్యార్థి సంఘాలు కూడా ఆందోళనకు దిగడంతో పోలీసులు అక్కడకు చేరుకుని నిలువరించి మాట్లాడి పంపించారు.