శ్రీ చైతన్య టెక్నో స్కూల్లో ఘనంగా ఫ్యామిలీ ఫెస్ట్ వేడుకలు
సికె న్యూస్ ప్రతినిధి ఖమ్మం
స్థానిక ఎన్టీఆర్ విగ్రహం వద్ద గల శ్రీ చైతన్య టెక్నో స్కూల్లో ఘనంగా ఫ్యామిలీ ఫెస్ట్ వేడుకలు జరిగాయి. ఈ సందర్భంగా విద్యార్థుల తల్లిదండ్రులు పాఠశాలకు రావడం జరిగింది, వారి పిల్లలు తమ తల్లిదండ్రులను ఉచిత ఆసనం మీద కూర్చోబెట్టి వారి కాళ్లు ప్లేట్లో ఉంచి వారి పాదాలు కడిగి పూలతో అక్షతలు చల్లి తల్లిదండ్రుల ఆశీర్వాదాలు తీసుకోవడం జరిగింది.
వారికి బహుమతులు కూడా ఇవ్వడం జరిగింది. తమ పిల్లలు చేసిన పనికి తల్లిదండ్రులు ఆశ్చర్యానికి గురయ్యారు, తమ పిల్లలను ఆశీర్వదించి అభినందించారు.
ఇటువంటి కార్యక్రమాలు నిర్వహిస్తున్న పాఠశాల యాజమాన్యమును ఎంతో అభినందించారు. తరాలు మారుతూ మనలో ఏర్పడిన అంతరాలు తొలగిపోవడానికి ఇటువంటి కార్యక్రమాలు దోహదం చేస్తాయని కొందరు తల్లిదండ్రులు చెప్పడం జరిగింది.
ఈ సందర్భంగా ప్రిన్సిపాల్ పివిఆర్ మురళీమోహన్ గారు మాట్లాడుతూ విద్యార్ధులలో నైతిక విలువలు పెంపొందించడానికి ఆత్మ శక్తిని మేలుకొలపడానికి ఈ కార్యక్రమాలు ఉపయోగపడతాయని చెప్పడం జరిగింది.
విద్యార్థులు తల్లిదండ్రుల మీద వారి ప్రేమను తెలుపుతూ ఉపన్యాసాలు ఇవ్వడం, పాటలు పాడడం జరిగింది.
ఈ కార్యక్రమంలో శ్రీ చైతన్య విద్యాసంస్థల చైర్మన్ శ్రీ మల్లంపాటి శ్రీధర్ గారు, డైరెక్టర్ శ్రీమతి శ్రీవిద్య గారు, పాఠశాల ప్రిన్సిపాల్ పివిఆర్ మురళీమోహన్ గారు, వైస్ ప్రిన్సిపాల్ శ్రీమతి నివేదిత గారు, డీన్, ఉపాధ్యాయుని ఉపాధ్యాయులు, విద్యార్ధులు వారి తల్లిదండ్రులు పాల్గొన్నారు.
