డా. పీటర్ నాయక్ లకావత్కి “అంతర్జాతీయ వేదికపై మరొక ఘనత
“అంతర్జాతీయ వేదికపై మరొక ఘనత – INNHRF గ్లోబల్ వైస్ ప్రెసిడెంట్గా డా. పీటర్ నాయక్ లకావత్ నియామకం”
వివరాల్లోకి వెళితే, ఇంటర్నేషనల్ నింబుల్ హ్యూమన్ రైట్స్ ఫౌండేషన్ (INNHRF) సంస్థ అధినేత డా. సి. హెచ్. విజయ్ మోహన్ రావు గారు, డా. పీటర్ నాయక్ లకావత్ గారి సామాజిక బాధ్యతాభావాన్ని గుర్తించి, అంతర్జాతీయ మానవ హక్కుల వేదికలో ఆయన చురుకైన పాత్రను ప్రశంసించారు.
పలుప్రాంతాల్లో, పలుసందర్భాల్లో ప్రజల సమస్యలపై స్పందిస్తూ, వారి పక్షాన నిలబడుతున్న డా. పీటర్ నాయక్ లకావత్ గారి విధానం ప్రశంసనీయమని ఆయన పత్రికా ప్రకటనలో పేర్కొన్నారు.
ఈ సందర్భంగా మాట్లాడుతూ, డా. పీటర్ నాయక్ లకావత్ గారి సేవలు జాతీయ, అంతర్జాతీయ స్థాయిల్లో ఎంతో అవసరమని గుర్తించి, సమాజానికి మరింత ప్రభావవంతమైన సేవలు అందించేందుకు ఈ నియామకం చేపట్టినట్లు తెలిపారు.
సామాజిక న్యాయం, మానవ హక్కుల పరిరక్షణ, అణగారిన వర్గాల అభ్యున్నతి కోసం అహర్నిశలు కృషి చేస్తూ దేశవ్యాప్తంగా మాత్రమే కాకుండా అంతర్జాతీయ స్థాయిలో కూడా విశిష్ట గుర్తింపు పొందిన డా. పీటర్ నాయక్ లకావత్ గారు, INNHRF సంస్థలో గ్లోబల్ వైస్ ప్రెసిడెంట్ ఆపరేషన్స్ గా నియమితులవడం ఒక కీలక మైలురాయిగా నిలిచింది.
ఈ ప్రతిష్టాత్మక నియామకం డా.సి. హెచ్. విజయ్ మోహన్ రావు గారి ఆమోదంతో, DG & COO డా. ప్రవీణ్ రావు గారి అధికారిక ఉత్తర్వులతో అమల్లోకి వచ్చింది. ఇది డా. పీటర్ నాయక్ లకావత్ గారి సేవలకు, నాయకత్వానికి, మరియు మానవతా విలువలకు లభించిన అంతర్జాతీయ గౌరవంగా భావించబడుతోంది.
డా. పీటర్ నాయక్ లకావత్ గారు చిన్ననాటి నుంచే ఎన్నో కష్టాలను అధిగమిస్తూ, సమాజానికి సేవ చేయాలనే లక్ష్యంతో ఉన్నత స్థాయికి చేరుకున్నారు. ఆయన జీవన ప్రయాణం అనేక మందికి స్ఫూర్తిదాయకంగా నిలుస్తోంది. ముఖ్యంగా పేదలు, అణగారిన వర్గాలు, మరియు హక్కుల కోసం పోరాడే ప్రజల పక్షాన ఆయన ఎల్లప్పుడూ ధైర్యంగా నిలబడి న్యాయం కోసం కృషి చేస్తున్నారని డా. ప్రవీణ్ రావు గారు పేర్కొన్నారు.
అదేవిధంగా, ఆయన స్థాపించిన పీటర్ నాయక్ చారిటబుల్ ట్రస్ట్ ద్వారా విద్య, ఆరోగ్యం, పేదలకు ఆర్థిక సహాయం, అత్యవసర సేవలు, మరియు సామాజిక అవగాహన కార్యక్రమాలు విస్తృతంగా నిర్వహిస్తున్నారు. వేలాది మంది జీవితాల్లో మార్పు తీసుకువచ్చేలా ఆయన సేవలు కొనసాగుతున్నాయి. సమాజంలో మానవతా భావాన్ని పెంపొందించడంలో ఆయన పాత్ర విశేషంగా నిలిచింది.
అతని సేవలకు గుర్తింపుగా దేశీయ మరియు అంతర్జాతీయ స్థాయిల్లో అనేక ప్రతిష్టాత్మక అవార్డులు అందుకున్నారు.
ఇవే కాకుండా, పలు సేవా కార్యక్రమాల్లో ఆయన చేసిన విశిష్ట కృషికి గాను జాతీయ, అంతర్జాతీయ గుర్తింపు కలిగిన సంస్థల నుండి అనేక ప్రశంసా పత్రాలు అందుకున్నారు. ఇవన్నీ ఆయన సేవా నిబద్ధతకు, సమాజం పట్ల ఉన్న ప్రేమకు, మరియు మానవ హక్కుల పట్ల ఉన్న కట్టుబాటుకు నిదర్శనాలుగా నిలుస్తున్నాయి.
డా. పీటర్ నాయక్ లకావత్ గారు న్యాయం, సమానత్వం, మరియు రాజ్యాంగ విలువల పరిరక్షణలో ఎల్లప్పుడూ ముందుండి పోరాడుతూ ప్రజల్లో అవగాహన పెంపొందించడంలో కీలక పాత్ర పోషిస్తున్నారు. ఆయన నాయకత్వంలో INNHRF సంస్థ అంతర్జాతీయ స్థాయిలో మరింత బలపడటమే కాకుండా, మానవ హక్కుల పరిరక్షణలో ప్రభావవంతమైన కార్యక్రమాలు చేపడుతుందని విశ్వాసం వ్యక్తమవుతోంది.
ఈ సందర్భంగా సంస్థ ప్రతినిధులు, ప్రముఖులు, మరియు సామాజిక సేవకులు డా. పీటర్ నాయక్ లకావత్ గారికి హృదయపూర్వక అభినందనలు తెలియజేస్తూ, ఆయన సేవలు ప్రపంచవ్యాప్తంగా మరింత విస్తరించాలని ఆకాంక్షించారు. ఆయన వంటి నాయకులు సమాజానికి మార్గదర్శకులుగా నిలుస్తారని పేర్కొన్నారు.
ఈ గొప్ప అవకాశాన్ని కల్పించిన INNHRF హై కమిషనర్ డా. సి. హెచ్. విజయమోహన్ రావు గారికి మరియు DG & COO డా. సి. హెచ్. ప్రవీణ్ రావు గారికి, డా. పీటర్ నాయక్ లకావత్ గారు హృదయపూర్వక కృతజ్ఞతలు తెలిపారు.
అదేవిధంగా, తనకు అప్పగించిన బాధ్యతలను అత్యంత నిబద్ధతతో నిర్వర్తిస్తూ, సంస్థ తనపై ఉంచిన విశ్వాసాన్ని నిలబెట్టుకుంటానని ఆయన పేర్కొన్నారు.
“మానవత్వం కోసం సేవ చేయడం కేవలం కర్తవ్యం మాత్రమే కాదు, అది ఒక ధర్మం” అనే సూత్రాన్ని ఆచరణలో చూపిస్తున్న డా. పీటర్ నాయక్ లకావత్ గారి ఈ నియామకం యువతకు గొప్ప ప్రేరణగా నిలుస్తోంది.
