ట్రాఫిక్ హోమ్ గార్డ్ వికృత చేష్టలు: గృహిణి ఎదుట నగ్న ప్రదర్శన, కేసు నమోదు
సిద్దిపేట జిల్లా గజ్వేల్ పరిధిలో రక్షక భట నిలయంలో పనిచేస్తూ సమాజానికి ఆదర్శంగా ఉండాల్సిన ఒక హోమ్ గార్డ్ అత్యంత హేయమైన చర్యకు పాల్పడ్డాడు. గజ్వేల్ ట్రాఫిక్ పోలీస్ స్టేషన్లో హోమ్ గార్డ్గా విధులు నిర్వహిస్తున్న గాజల కరుణాకర్ రెడ్డి అనే వ్యక్తి, స్థానికంగా ఓ ఇంట్లో అద్దెకు ఉంటున్నాడు. ఈ క్రమంలోనే తన ఇంటి పక్కనే నివసిస్తున్న ఒక వివాహిత పట్ల కంటిచూపుతోనే కాకుండా, అత్యంత అసభ్యకర ప్రవర్తనతో వేధింపులకు గురిచేయడం మొదలుపెట్టాడు. శాంతిభద్రతలను కాపాడాల్సిన స్థానంలో ఉండి, ఒక మహిళా మానప్రాణాలకు భంగం కలిగించేలా ప్రవర్తించడం స్థానికంగా తీవ్ర కలకలం రేపింది. బాధితురాలి వివరాల ప్రకారం.. ఆమె ప్రతిరోజూ బట్టలు ఆరేయడానికి మేడపైకి వెళ్ళినప్పుడల్లా, పక్కనే ఉంటున్న హోమ్ గార్డ్ కరుణాకర్ రెడ్డి కావాలనే ఒంటిపై బట్టలు తొలగించి ఆమె ముందు నగ్నంగా అంగ ప్రదర్శన చేసేవాడు. రోజూ అతడు చేస్తున్న ఈ వికృత చేష్టలు, మానసిక వేధింపులతో సదరు గృహిణి తీవ్ర ఆవేదనకు, ఆగ్రహానికి గురైంది. ఖాకీ చొక్కా వేసుకుని కామపిశాచిలా ప్రవర్తిస్తున్న అతడికి ఎలాగైనా బుద్ధి చెప్పాలని నిర్ణయించుకున్న ఆమె, ఈ అవమానకరమైన విషయాన్ని తన భర్తకు వివరించింది.
విషయం తెలుసుకున్న భర్త తీవ్ర కోపోద్రిక్తుడయ్యాడు. హోమ్ గార్డ్ను చట్టపరంగా రెడ్ హ్యాండెడ్గా పట్టుకోవాలని భార్యాభర్తలు ఇద్దరూ కలిసి వ్యూహం రచించారు. ఇందులో భాగంగానే, యథావిధిగా సదరు మహిళ మేడపైకి వెళ్లిన సమయంలో కరుణాకర్ రెడ్డి మళ్లీ నగ్నంగా మారి వికృత చేష్టలకు పాల్పడ్డాడు. ఆ సమయంలో అక్కడే మాటువేసిన ఆమె భర్త, హోమ్ గార్డ్ చేస్తున్న నీచమైన పనులను తన మొబైల్ ఫోన్లో రహస్యంగా ఫోటోలు, వీడియోల రూపంలో రికార్డు చేశాడు. నిందితుడి వికృతత్వాన్ని నిరూపించే బలమైన సాక్ష్యాలను సేకరించాడు.
అనంతరం బాధితులు ఇద్దరూ నేరుగా గజ్వేల్ పోలీస్ స్టేషన్కు చేరుకుని, తమ వద్ద ఉన్న వీడియో, ఫోటో ఆధారాలతో సహా హోమ్ గార్డ్ కరుణాకర్ రెడ్డిపై రాతపూర్వకంగా ఫిర్యాదు చేశారు. ఒక బాధ్యతాయుతమైన ఉద్యోగంలో ఉండి మహిళలను లోబర్చుకునేందుకు ఇలాంటి నీచమైన పనులకు పాల్పడుతున్నాడని, అతనిపై కఠిన చర్యలు తీసుకోవాలని డిమాండ్ చేశారు. బాధితుల ఫిర్యాదును స్వీకరించిన గజ్వేల్ పోలీసులు హోమ్ గార్డ్ కరుణాకర్ రెడ్డిపై కేసు నమోదు చేసి, దర్యాప్తు ప్రారంభించారు.
