కల్వర్టు కట్టారు.. రోడ్డు మరిచారు!
ఏడాది కావస్తున్నా పూర్తికాని రహదారి పనులు
దుమ్ము, ధూళితో వాహనదారులకు నరకయాతన.. పట్టించుకునే వారేరీ?
సీకే న్యూస్‌ ఖమ్మం ప్రతినిధి ఇస్లావత్ నరసింహ ఏన్కూరు అక్టోబర్ 27 2026: అభివృద్ధి పనులు చేపట్టడం అంటే సగం పని చేసి చేతులు దులుపుకోవడమేనా? కల్వర్టు నిర్మించి, దానికి అనుసంధానంగా రహదారి పనులను పూర్తిస్థాయిలో చేపట్టకపోవడంతో వాహనదారులు తీవ్ర ఇబ్బందులు ఎదుర్కొంటున్నారు. ఏన్కూరు మండలం టీయల్‌పేట గ్రామ పరిధిలో కల్వర్టు పనులు ప్రారంభమై ఏడాది కావస్తున్నా, ఇప్పటికీ పూర్తిస్థాయిలో రోడ్డు పనులు పూర్తి కాకపోవడం సంబంధిత అధికారుల పనితీరుపై ప్రశ్నలు లేవనెత్తుతోంది.
ఏడాది గడుస్తున్నా ఇదే దుస్థితి!
కల్వర్టు నిర్మాణం చేపట్టినప్పటికీ, దానికి అనుసంధానంగా రహదారి పనులను పూర్తిస్థాయిలో పూర్తి చేయకపోవడంతో ప్రయాణికులకు ఇబ్బందులు తప్పడం లేదు. ఏడాది కావస్తున్నా రహదారి పనులు కొలిక్కి రాకపోవడం, సమస్యకు పరిష్కారం లభించకపోవడంపై వాహనదారులు అసంతృప్తి వ్యక్తం చేస్తున్నారు. అభివృద్ధి పనుల పేరుతో నిర్మాణాలు చేపడుతున్నప్పటికీ, వాటిని సకాలంలో పూర్తి చేయకపోవడం వల్ల ప్రజలకు ఇబ్బందులు ఎదురవుతున్నాయి.
దుమ్ము, ధూళితో అవస్థలు
రహదారిపై వాహనాలు రాకపోకలు సాగించే సమయంలో దుమ్ము, ధూళి విపరీతంగా ఎగసిపడుతోంది. దీంతో ద్విచక్ర వాహనదారులు, పాదచారులు తీవ్ర ఇబ్బందులు పడుతున్నారు. దుమ్ము కారణంగా ఎదురుగా వచ్చే వాహనాలు సరిగా కనిపించకపోవడంతో ప్రమాదాలు జరిగే ప్రమాదం ఉందని వాహనదారులు ఆందోళన చెందుతున్నారు. రహదారిపై ప్రయాణించాలంటేనే ఇబ్బందికర పరిస్థితులు ఎదురవుతున్నాయని వాపోతున్నారు.
పనులు పూర్తి చేసేదెప్పుడు?
కల్వర్టు నిర్మాణం పూర్తయినప్పుడు దానికి అనుసంధానంగా రహదారి పనులను కూడా పూర్తిస్థాయిలో చేపట్టి ఉంటే ఈ పరిస్థితి తలెత్తేది కాదనే అభిప్రాయాలు వ్యక్తమవుతున్నాయి. ఏడాది కావస్తున్నా రహదారి పనులు పూర్తికాకపోవడానికి కారణాలేమిటి? పనులను పర్యవేక్షించాల్సిన అధికారులు ఏం చేస్తున్నారు? ప్రజలు ఎదుర్కొంటున్న ఇబ్బందులు వారికి కనిపించడం లేదా? అనే ప్రశ్నలు తలెత్తుతున్నాయి.
ప్రజలకు మెరుగైన రవాణా సౌకర్యాలు కల్పించాల్సిన బాధ్యత సంబంధిత అధికారులపై ఉన్నప్పటికీ, పనులు పూర్తికాకపోవడంతో అసౌకర్యాలు కొనసాగుతున్నాయి. ఇప్పటికైనా అధికారులు స్పందించి, రహదారి పనులను వేగవంతం చేసి పూర్తిస్థాయిలో నిర్మాణం చేపట్టాలని వాహనదారులు కోరుతున్నారు.
కల్వర్టు నిర్మాణం పూర్తయి, రహదారి పనులు మాత్రం అసంపూర్తిగా మిగిలిపోవడం అభివృద్ధి పనుల అమలుపై అనేక సందేహాలకు తావిస్తోంది. ఇప్పటికైనా సంబంధిత అధికారులు స్పందించి, దుమ్ము, ధూళి సమస్యకు శాశ్వత పరిష్కారం చూపి రహదారి పనులను పూర్తి చేయాలని ప్రజలు డిమాండ్ చేస్తున్నారు.
