SSB కానిస్టేబుల్ రెక్యూట్ మెంట్… 827 పోస్టులతో భారీ నోటిఫికేషన్..
Web desc : భారత ప్రభుత్వ హోం వ్యవహారాల మంత్రిత్వ శాఖ పరిధిలోని పారామిలిటరీ బలగాలలో ఒకటైన సశస్త్ర సీమా బల్ (SSB), దేశ రక్షణ విభాగంలో చేరాలనుకునే యువతకు గుడ్ న్యూస్. 2026 సంవత్సరానికి గాను మొత్తం 827 కానిస్టేబుల్ పోస్టుల భర్తీకి సంబంధించి అధికారిక నోటిఫికేషన్ విడుదలయ్యింది. ఇవన్నీ గ్రూప్ ‘సి’ కేటగిరీకి చెందిన నాన్-గెజిటెడ్ మరియు నాన్-మినిస్టీరియల్ పోస్టులు.
10వ తరగతి అర్హత ఉన్న వారు దేశ సేవలో భాగస్వాములు కావడానికి ఇది మంచి ఛాన్స్. ఈ రిక్రూట్మెంట్లో కేవలం సాధారణ రక్షణ విధులే కాకుండా, వివిధ రకాల వృత్తిపరమైన (Tradesman) విధులను కూడా భర్తీ చేస్తున్నారు.
వీటిలో కానిస్టేబుల్ డ్రైవర్, వెటర్నరీ (పశువైద్య సహాయకులు), గార్డనర్, కార్పెంటర్, టైలర్, కోబ్లర్, వాషర్మ్యాన్, బార్బర్ మరియు నర్సింగ్ ఆర్డర్లీ వంటి పోస్టులు ఉన్నాయి.
ఇందులో అత్యధికంగా పురుషుల కోసం కేటాయించిన డ్రైవర్ పోస్టులు 553 ఉండటం గమనార్హం. వెటర్నరీ విభాగంలో 34, వాషర్మ్యాన్ విభాగంలో 74 ఖాళీలు ఉన్నాయి.
విద్యార్హతలు, అనుభవం.. విద్యార్హతల విషయానికి వస్తే, అభ్యర్థులు గుర్తింపు పొందిన బోర్డు నుండి 10వ తరగతి లేదా మెట్రిక్యులేషన్ ఉత్తీర్ణులై ఉండాలి. అయితే, కొన్ని ప్రత్యేక పోస్టులకు అదనపు నైపుణ్యాలు తప్పనిసరి. ఉదాహరణకు, డ్రైవర్ పోస్టుకు దరఖాస్తు చేసే వారు తప్పనిసరిగా హెవీ వెహికల్ డ్రైవింగ్ లైసెన్స్ కలిగి ఉండాలి.
అలాగే, వెటర్నరీ పోస్టులకు 10వ తరగతిలో సైన్స్ సబ్జెక్టుతో పాటు ఒక సంవత్సరం జంతు చికిత్స అనుభవం ఉండాలి. మిగిలిన ట్రేడ్స్మ్యాన్ పోస్టులకు సంబంధిత వృత్తిలో ఐటిఐ (ITI) లేదా డిప్లొమా ఉండాలి లేదా కనీసం రెండు సంవత్సరాల పని అనుభవం కలిగి ఉండాలి.
నర్సింగ్ ఆర్డర్లీ పోస్టుకు దరఖాస్తు చేసే వారు ప్రథమ చికిత్స (First Aid) సర్టిఫికేట్తో పాటు కనీసం 50 పడకల ఆసుపత్రిలో ఒక సంవత్సరం పని చేసిన అనుభవం కలిగి ఉండటం అవసరం. దరఖాస్తు చేసుకునే చివరి తేదీ నాటికి అభ్యర్థుల వద్ద అన్ని సర్టిఫికెట్లు సిద్ధంగా ఉండాలి.
ఏజ్ లిమిట్ ఎంతంటే? అభ్యర్థుల వయస్సు పోస్టును బట్టి మారుతుంది. సాధారణ ట్రేడ్స్మ్యాన్ పోస్టులకు 18 నుండి 23 ఏళ్ల మధ్య ఉండాలి. అయితే, డ్రైవర్, వెటర్నరీ మరియు నర్సింగ్ ఆర్డర్లీ వంటి పోస్టులకు గరిష్ట వయోపరిమితి 27 ఏళ్ల వరకు ఉంది. కార్పెంటర్ పోస్టుకు మాత్రం 25 ఏళ్లుగా నిర్ణయించారు.
కేంద్ర ప్రభుత్వ నిబంధనల ప్రకారం, ఎస్సీ (SC), ఎస్టీ (ST) అభ్యర్థులకు 5 ఏళ్లు, ఓబీసీ (OBC) అభ్యర్థులకు 3 ఏళ్ల వయో సడలింపు లభిస్తుంది. మాజీ సైనికులకు కూడా వారి సేవా కాలాన్ని బట్టి నిబంధనల మేరకు మినహాయింపులు ఉంటాయి.
జీతం ఎంత? SSBలో కానిస్టేబుల్గా ఎంపికైన వారికి 7వ పే కమిషన్ (7th CPC) ప్రకారం లెవెల్-3 వేతన శ్రేణి వర్తిస్తుంది. అంటే ప్రాథమిక వేతనం రూ. 21,700 నుండి రూ. 69,100 వరకు ఉంటుంది.
బేసిక్ పేతో పాటు కరువు భత్యం (DA), ఇంటి అద్దె భత్యం (HRA), రేషన్ మనీ అలవెన్స్ మరియు మెడికల్ సదుపాయాలు వంటి కేంద్ర ప్రభుత్వ ప్రయోజనాలు అందుతాయి. రక్షణ రంగంలో స్థిరమైన కెరీర్తో పాటు గౌరవప్రదమైన వేతనాన్ని ఆశించే వారికి ఇది సరైన వేదిక.
ఎంపిక ప్రక్రియ ఐదు దశల్లో.. అభ్యర్థులను ఎంపిక చేసేందుకు SSB పకడ్బందీగా ఐదు దశల పరీక్షలను నిర్వహిస్తుంది . శారీరక సామర్థ్య పరీక్ష (PET): ఇందులో పురుషులు 4.8 కి.మీ దూరాన్ని 24 నిమిషాల్లో, మహిళలు 2.4 కి.మీ దూరాన్ని 18 నిమిషాల్లో పరుగెత్తాలి.
శారీరక ప్రమాణాల పరీక్ష (PST) : అభ్యర్థుల ఎత్తు మరియు ఛాతీ కొలతలను తీసుకుంటారు.
రాత పరీక్ష : అభ్యర్థుల సాధారణ పరిజ్ఞానాన్ని పరీక్షించేలా ఆబ్జెక్టివ్ తరహా పరీక్ష ఉంటుంది.
ట్రేడ్/నైపుణ్య పరీక్ష : సంబంధిత వృత్తిలో అభ్యర్థికి ఎంత ప్రతిభ ఉందో ప్రాక్టికల్గా చూస్తారు. వైద్య పరీక్ష : చివరగా డాక్యుమెంట్ వెరిఫికేషన్ మరియు మెడికల్ టెస్ట్ నిర్వహించి తుది ఎంపిక చేస్తారు.
దరఖాస్తు చేసుకునే విధానం.. ఆసక్తి గల అభ్యర్థులు కేవలం ఆన్లైన్ ద్వారానే దరఖాస్తు చేసుకోవాలి. అధికారిక వెబ్సైట్ ssb.gov.in లో లాగిన్ అయ్యి తమ వివరాలను నమోదు చేయాలి.
జనరల్, EWS మరియు ఓబీసీ అభ్యర్థులు రూ. 100 పరీక్ష రుసుము చెల్లించాలి. ఎస్సీ, ఎస్టీ, మహిళలు మరియు మాజీ సైనికులకు ఈ రుసుము నుండి పూర్తి మినహాయింపు ఉంది. దరఖాస్తు ప్రక్రియ మార్చి 21, 2026 నుండి ప్రారంభం కానుంది.
ఎంప్లాయ్మెంట్ న్యూస్లో ప్రకటన వచ్చిన 30 రోజుల్లోపు దరఖాస్తును పూర్తి చేయాల్సి ఉంటుంది. దరఖాస్తు చేసే సమయంలో అభ్యర్థులు తమ ఫోటో, సంతకం మరియు విద్యార్హత పత్రాలను స్పష్టంగా అప్లోడ్ చేయాలి.
ఒక అభ్యర్థి ఒక పోస్టుకు మాత్రమే దరఖాస్తు చేసుకోవడానికి అవకాశం ఉంది. సరైన పత్రాలు లేని పక్షంలో దరఖాస్తులు తిరస్కరించబడతాయి కాబట్టి నోటిఫికేషన్ను పూర్తిగా చదివి జాగ్రత్తగా నింపడం ఉత్తమం.
