కల్లూరు ఆసుపత్రిలో పారిశుద్ధ్య లోపం!
మార్చురీ రూమ్ వద్దకు వస్తున్న పందులు.. రోగుల భద్రతపై ఆందోళన!
కల్లూరు
కల్లూరు పట్టణంలోని ప్రభుత్వ ఆసుపత్రి ప్రాంగణంలో అపరిశుభ్ర వాతావరణం నెలకొంటున్నట్లు కనిపిస్తోంది. ఆసుపత్రిలోని మార్చురీ రూమ్ వద్దకు పందులు వస్తుండటంతో ఆసుపత్రి పరిసరాల పరిస్థితిపై ఆందోళన వ్యక్తమవుతోంది.
ఆసుపత్రి చుట్టూ ప్రహరీ గోడ లేకపోవడంతో పందులు నేరుగా ఆసుపత్రి ప్రాంగణంలోకి ప్రవేశిస్తున్నాయి. దీంతో ఆసుపత్రి పరిసరాల్లో పారిశుద్ధ్య సమస్య తలెత్తడమే కాకుండా, రోగులు, వారి సహాయకులు ఇబ్బందులు ఎదుర్కొనే పరిస్థితి ఏర్పడుతోంది.
ప్రజలకు మెరుగైన వైద్య సేవలు అందించాల్సిన ఆసుపత్రి ప్రాంగణంలోకి పందులు ప్రవేశించడం అధికారుల పర్యవేక్షణపై ప్రశ్నలు లేవనెత్తుతోంది. ఆసుపత్రి చుట్టూ ప్రహరీ గోడ నిర్మించి, పందులు లోపలికి రాకుండా తగిన చర్యలు తీసుకోవాలని స్థానికులు కోరుతున్నారు.
సంబంధిత అధికారులు తక్షణమే స్పందించి ఆసుపత్రి పరిసరాలను పరిశుభ్రంగా ఉంచడంతోపాటు, ప్రహరీ గోడ నిర్మాణానికి చర్యలు తీసుకోవాలని ప్రజలు కోరుతున్నారు.
