ఆసిఫాబాద్ జిల్లా జైనూరులో తీవ్ర ఉద్రిక్తత..
144 సెక్షన్ అమలు..
తెలంగాణ రాష్ట్రంలోని కొమురం భీం ఆసిఫాబాద్ జిల్లాలో తీవ్ర ఉద్రిక్త వాతావరణం నెలకొంది. జైనూర్ మండలం లో ఆదివాసీ మహిళపై ఓ వర్గానికి చెందిన వ్యక్తి లైంగిక దాడి జరిపి హత్య యత్నానికి పాల్పడ్డారు.ఈ ఘటనను సీరియస్ గా తీసుకున్న ఆదివాసీ సంఘాలు వారం రోజులుగా నిరసన తెలుపుతున్నారు.
ఈ క్రమంలో రెండు ఆదివాసీలు మరో వర్గం దాడులు చేసుకున్నట్లు తెలుస్తోంది. కాగా ఆదివాసులకు మద్దతుగా ఈ రోజు బీజేపీ ఎమ్మెల్యేలు పాయల్ శంకర్, హరీష్ బాబు జైనూర్ వెళ్లనున్నట్లు తెలిపారు. దీంతో అప్రమత్తమైన పోలీసులు ఇద్దరు ఎమ్మెల్యేను హౌస్ అరెస్ట్ చేశారు.
వారం రోజులుగా నివురుగప్పిన నిప్పులా ఉన్న జైనూర్ లో ఈ రోజు పరిస్థితులు ఉదృతంగా మారాయి. దీంతో పోలీసులు ఆ ప్రాంతంలో నెట్ వర్క్ ను సైతం తొలగించారు. ప్రస్తుత పరిస్థితుల నేపథ్యంలో జైనూర్ ఏజెన్సీలో దాదాపు 1000 మంది పోలీసులు సహారా కాస్తున్నట్లు తెలుస్తోంది.
