వనపర్తిలో ఆర్టీసీ కార్మికులకు గుడ్‌న్యూస్

వనపర్తిలో ఆర్టీసీ కార్మికులకు గుడ్‌న్యూస్
మేడే రోజు ఎమ్మెల్యే మేఘారెడ్డి సంచలన ప్రకటన CK న్యూస్ వనపర్తి జిల్లా స్టాఫ్ రిపోర్టర్

ఆర్టీసీ కార్మికులకు త్వరలోనే సర్కార్ ఉద్యోగాలు పక్కా
“విలీన ప్రక్రియ స్పీడప్ చేస్తాం, ఇది కాంగ్రెస్ హామీ”
వనపర్తి డిపోలో కార్మికుల హర్షాతిరేకాలు
ప్రభుత్వం అండగా ఉంటుందని ఎమ్మెల్యే భరోసా
వనపర్తి మేడే వేడుకల్లో ఆర్టీసీ కార్మికులకు తీపికబురు అందింది.

ఎమ్మెల్యే తూడి మేఘారెడ్డి కార్మికులను ఉద్దేశించి మాట్లాడుతూ త్వరలోనే అందరికీ ప్రభుత్వ ఉద్యోగ హోదా వస్తుందని తేల్చి చెప్పారు

వనపర్తి: ఆర్టీసీ ఉద్యోగుల విలీనంపై ఎమ్మెల్యే కీలక వ్యాఖ్యలు
వనపర్తి ఆర్టీసీ డిపోలో గురువారం నిర్వహించిన మేడే వేడుకల్లో ఎమ్మెల్యే తూడి మేఘారెడ్డి పాల్గొన్నారు. ఈ సందర్భంగా ఆయన మాట్లాడుతూ ఆర్టీసీని ప్రభుత్వంలో విలీనం చేసే ప్రక్రియను వేగవంతం చేస్తామని, కార్మికులందరికీ ప్రభుత్వ ఉద్యోగ హోదా కల్పిస్తామని హామీ ఇచ్చారు.

ఎన్నికల సమయంలో కాంగ్రెస్ పార్టీ ఇచ్చిన హామీ మేరకు చర్యలు తీసుకుంటున్నామని ఆయన స్పష్టం చేశారు. ప్రభుత్వం మీకు అండగా ఉంటుంది” అని కార్మికులకు ఆయన భరోసా ఇచ్చారు.

కాంగ్రెస్ హామీ అమలు దిశగా అడుగులు వనపర్తిలో ఎమ్మెల్యే ప్రకటన
వనపర్తి: ఆర్టీసీ ఉద్యోగుల చిరకాల కోరిక నెరవేరే సమయం ఆసన్నమైంది. మేడే సందర్భంగా వనపర్తి ఎమ్మెల్యే తూడి మేఘారెడ్డి చేసిన ప్రకటనతో కార్మిక వర్గాల్లో కొత్త ఆశలు చిగురించాయి.

“కాంగ్రెస్ ఇచ్చిన మాట ప్రకారం ఆర్టీసీని ప్రభుత్వంలో విలీనం చేసి తీరుతాం. ప్రతి కార్మికుడికి సర్కార్ కొలువు గ్యారంటీ అని ఆయన కుండబద్దలు కొట్టారు. గత ప్రభుత్వాలు పట్టించుకోని విలీన ప్రక్రియను తమ ప్రభుత్వం స్పీడప్ చేస్తుందని ఆయన ఉద్ఘాటించారు