రైల్వేలో 3,993 ఉద్యోగాలు.. డిప్లొమా, ఇంజినీరింగ్ అభ్యర్థులకు బంపర్ ఛాన్స్!
web desc : రైల్వేలో ప్రభుత్వ ఉద్యోగం సాధించాలనుకునే అభ్యర్థులకు గుడ్న్యూస్. రైల్వే రిక్రూట్మెంట్ బోర్డు (RRB) మరో భారీ రిక్రూట్మెంట్కు తెరతీసింది. CEN No. 04/2026 నోటిఫికేషన్ ద్వారా దేశవ్యాప్తంగా వివిధ రైల్వే రీజియన్లు, జోన్లు, ప్రొడక్షన్ యూనిట్లలో ఖాళీగా ఉన్న జూనియర్ ఇంజినీర్ (JE), డిపో మెటీరియల్ సూపరింటెండెంట్ (DMS) పోస్టులను భర్తీ చేయనుంది. ఈ రిక్రూట్మెంట్ ద్వారా మొత్తం 3,993 పోస్టులు భర్తీ కానున్నాయి. వీటిలో సికింద్రాబాద్ రైల్వే జోన్కు 110 పోస్టులు కేటాయించారు. సంబంధిత విద్యార్హతలు ఉన్న అభ్యర్థులు ఆన్లైన్లో దరఖాస్తు చేసుకోవచ్చు.
ఖాళీల వివరాలు
ఈ నోటిఫికేషన్ ద్వారా మొత్తం 3,993 పోస్టులు భర్తీ చేయనున్నారు.
జూనియర్ ఇంజినీర్ (JE)
డిపో మెటీరియల్ సూపరింటెండెంట్ (DMS)
ఈ పోస్టులు ప్రధానంగా ఇంజినీరింగ్, ఎలక్ట్రికల్, మెకానికల్, ఎస్అండ్టీ, స్టోర్స్ తదితర విభాగాలకు సంబంధించినవి.
విద్యార్హతలు
పోస్టును బట్టి అభ్యర్థులు సంబంధిత ఇంజినీరింగ్ విభాగంలో డిప్లొమా, ఇంజినీరింగ్ డిగ్రీ లేదా బీఎస్సీలో నిర్దేశిత అర్హత సాధించి ఉండాలి. ప్రతి పోస్టుకు అవసరమైన విద్యార్హత భిన్నంగా ఉండే అవకాశం ఉన్నందున దరఖాస్తు చేసుకునే ముందు అధికారిక నోటిఫికేషన్లో పోస్టుల వారీగా అర్హతలను పరిశీలించాలి.
వయోపరిమితి
2027 జనవరి 1 నాటికి అభ్యర్థుల వయసు 18 నుంచి 33 ఏళ్ల మధ్య ఉండాలి.
రిజర్వేషన్ కేటగిరీలకు నిబంధనల ప్రకారం వయోపరిమితిలో సడలింపు ఉంటుంది.
ఎస్సీ, ఎస్టీ అభ్యర్థులకు: 5 ఏళ్లు
ఓబీసీ-ఎన్సీఎల్ అభ్యర్థులకు: 3 ఏళ్లు
పీడబ్ల్యూబీడీ, ఎక్స్సర్వీస్మెన్ తదితర కేటగిరీలకు: నిబంధనల ప్రకారం అదనపు సడలింపు
జీతం ఎంత?
జూనియర్ ఇంజినీర్, డిపో మెటీరియల్ సూపరింటెండెంట్ పోస్టులకు ఎంపికైన అభ్యర్థులకు 7వ పే కమిషన్ ప్రకారం ప్రారంభ ప్రాథమిక వేతనం నెలకు రూ.35,400గా ఉంటుంది. దీనికి అదనంగా కేంద్ర ప్రభుత్వ నిబంధనల ప్రకారం వివిధ అలవెన్సులు, ఇతర ప్రయోజనాలు లభిస్తాయి.
దరఖాస్తు ఫీజు
జనరల్, ఓబీసీ, ఈడబ్ల్యూఎస్ అభ్యర్థులకు: రూ.500
కంప్యూటర్ బేస్డ్ టెస్ట్ (CBT)కు హాజరైన తర్వాత రూ.400 తిరిగి చెల్లిస్తారు.
ఎస్సీ, ఎస్టీ, మహిళలు, ట్రాన్స్జెండర్, ఎక్స్సర్వీస్మెన్, ఈబీసీ, దివ్యాంగ అభ్యర్థులకు: రూ.250
అర్హత కలిగిన ఈ కేటగిరీల అభ్యర్థులు CBTకు హాజరైతే పూర్తి ఫీజు రీఫండ్ చేస్తారు.
ఎంపిక ప్రక్రియ
ఈ పోస్టులకు అభ్యర్థుల ఎంపిక పలు దశల్లో జరుగుతుంది. ముందుగా CBT-I, CBT-II పరీక్షలు నిర్వహిస్తారు. అనంతరం డాక్యుమెంట్ వెరిఫికేషన్, రైల్వే మెడికల్ ఎగ్జామినేషన్ ఆధారంగా తుది ఎంపిక చేపడతారు.
CBT-I పరీక్ష విధానం
మొదటి దశ కంప్యూటర్ బేస్డ్ టెస్ట్లో మొత్తం 100 ప్రశ్నలకు 100 మార్కులు ఉంటాయి.
CBT-I పరీక్షలో మొత్తం 100 ప్రశ్నలకు 100 మార్కులు ఉంటాయి.
జనరల్ సైన్స్: 30 ప్రశ్నలు – 30 మార్కులు
జనరల్ ఇంటెలిజెన్స్ & రీజనింగ్: 25 ప్రశ్నలు – 25 మార్కులు
మ్యాథమెటిక్స్: 30 ప్రశ్నలు – 30 మార్కులు
జనరల్ అవేర్నెస్: 15 ప్రశ్నలు – 15 మార్కులు
మొత్తం: 100 ప్రశ్నలు – 100 మార్కులు.
పరీక్ష వ్యవధి 90 నిమిషాలు. ఇందులో నెగెటివ్ మార్కింగ్ ఉంటుంది. ప్రతి తప్పు సమాధానానికి 1/3 మార్కు కోత విధిస్తారు.
CBT-II పరీక్ష విధానం
రెండో దశ CBTలో మొత్తం 150 ప్రశ్నలకు 150 మార్కులు ఉంటాయి.
ఫిజిక్స్ & కెమిస్ట్రీ – 15 ప్రశ్నలు, 15 మార్కులు
జనరల్ అవేర్నెస్ – 15 ప్రశ్నలు, 15 మార్కులు
ఎన్విరాన్మెంట్ & పొల్యూషన్ కంట్రోల్ – 10 ప్రశ్నలు, 10 మార్కులు
కంప్యూటర్ బేసిక్స్ & అప్లికేషన్స్ – 10 ప్రశ్నలు, 10 మార్కులు
టెక్నికల్ ఎబిలిటీస్ – 100 ప్రశ్నలు, 100 మార్కులు
మొత్తం – 150 ప్రశ్నలు, 150 మార్కులు.
ఈ పరీక్ష వ్యవధి 2 గంటలు. ఇందులోనూ ప్రతి తప్పు సమాధానానికి 1/3 మార్కు నెగెటివ్ మార్కింగ్ ఉంటుంది.
ముఖ్యమైన తేదీలు
ఆన్లైన్ దరఖాస్తుల ప్రారంభం: ఆగస్టు 14, 2026
ఆన్లైన్ దరఖాస్తుకు చివరి తేదీ: సెప్టెంబర్ 13, 2026
ఫీజు చెల్లింపునకు చివరి తేదీ: సెప్టెంబర్ 15, 2026
ఎలా అప్లై చేయాలి?
అర్హత ఉన్న అభ్యర్థులు సంబంధిత RRB అధికారిక వెబ్సైట్ ద్వారా ఆన్లైన్లో దరఖాస్తు చేసుకోవాలి. దరఖాస్తు సమయంలో విద్యార్హతలు, వ్యక్తిగత వివరాలు, కేటగిరీ వివరాలను జాగ్రత్తగా నమోదు చేసి, అవసరమైన పత్రాలను సమర్పించాలి. అప్లికేషన్ ఫీజు చెల్లించిన తర్వాత దరఖాస్తు ఫారమ్ను సేవ్ చేసుకోవడం మంచిది.
Note: పోస్టుల వారీగా విద్యార్హతలు, ఖాళీల విభజన, వయోపరిమితి, ఇతర నిబంధనలు మారవచ్చు. కాబట్టి దరఖాస్తు చేసే ముందు RRB CEN 04/2026 అధికారిక నోటిఫికేషన్ను పూర్తిగా చదివి అర్హతను నిర్ధారించుకోవాలి.
