12గంటలు ఆయన తెరుచుకొని అంగన్వాడీ కేంద్రం..!
తాళాలు వేసి ఉన్న అంగన్వాడీ కేంద్రం!
వేమూరు మండలం కందుకూరు గ్రామంలో చిన్నారుల భవిష్యత్తుపై ఆందోళన
గంటసేపు వేచి చూసినా రాని టీచర్, ఆయా.. చిన్నారులకు సేవలు అందేది ఎప్పుడు?
ఓపెన్ చేసినట్లు నాకు ఫోటో పెట్టారు అంటున్న సూపర్వైజర్
తనిఖీలు లేకుండానే ఫోటోలతో సరిపెట్టుకుంటున్నారా అంటు గ్రామస్తుల ఆరోపణ
సికె న్యూస్ ప్రతినిధి
వేమ్సూరు మండలం కందుకూరు గ్రామంలోని తుంగవారి కాలనీలో నిర్వహిస్తున్న అంగన్వాడీ కేంద్రానికి తాళాలు వేసి ఉండటం స్థానికంగా చర్చనీయాంశంగా మారింది. చిన్నారులకు ప్రాథమిక విద్యతో పాటు పౌష్టికాహారం, ఆరోగ్య సంబంధిత సేవలు అందించాల్సిన అంగన్వాడీ కేంద్రం తాళాలు వేసి ఉండటంపై ప్రశ్నలు వ్యక్తమవుతున్నాయి.
ఈ కేంద్రం వద్ద సుమారు ఒక గంట పాటు వేచి చూసినా టీచర్ గానీ, ఆయా గానీ ఎవరూ రాకపోవడం గమనార్హం. చిన్నారులకు సేవలు అందించాల్సిన కేంద్రం తాళాలు వేసి ఉండటం, సిబ్బంది అందుబాటులో లేకపోవడంపై పలు సందేహాలు వ్యక్తమవుతున్నాయి.
ప్రభుత్వం చిన్నారుల ఆరోగ్యం, పోషకాహారం, అభివృద్ధి కోసం వివిధ కార్యక్రమాలు అమలు చేస్తున్నప్పటికీ, క్షేత్రస్థాయిలో ఇలాంటి పరిస్థితులు కనిపించడం ఆ కార్యక్రమాల అమలు తీరుపై ప్రశ్నలు లేవనెత్తుతోంది. అంగన్వాడీ కేంద్రం ఎందుకు తెరవలేదు? టీచర్, ఆయా విధులకు ఎందుకు హాజరు కాలేదు? చిన్నారులకు పౌష్టికాహారం, ప్రాథమిక విద్య ఎలా అందుతున్నాయి? అనే ప్రశ్నలకు సంబంధిత అధికారులు సమాధానం చెప్పాల్సిన అవసరం ఉంది.
చిన్నారుల భవిష్యత్తు బాగుండాలంటే అంగన్వాడీ కేంద్రాలు సక్రమంగా పనిచేయాలి. కేంద్రానికి తాళాలు వేసి, సిబ్బంది అందుబాటులో లేకపోతే చిన్నారులకు అందాల్సిన సేవలు ఎలా అందుతాయన్నది ప్రశ్నార్థకంగా మారింది.
సంబంధిత అధికారులు క్షేత్రస్థాయిలో పర్యవేక్షణ చేపట్టి, అంగన్వాడీ కేంద్రం పనితీరుపై విచారణ జరపాలని స్థానికులు కోరుతున్నారు. ఈ ఘటనపై ఉన్నతాధికారులు స్పందించి, వాస్తవ పరిస్థితులను పరిశీలించి, బాధ్యులపై నిబంధనల ప్రకారం తగిన చర్యలు తీసుకోవాలని డిమాండ్ చేస్తున్నారు.
