డిప్యూటీ కలెక్టర్ నివాసాల్లో ఏసీబీ సోదాలు
వరంగల్ డిప్యూటీ కలెక్టర్ గా విధులు నిర్వహిస్తున్న వెంకట్ రెడ్డి నివాసాల్లో బుధవారం ఉదయం ఏసీబీ అధికారులు దాడులు చేశారు.
ఆదాయానికి మించి ఆస్తులు కలిగి ఉన్నారన్న ఆరోపణలతో ఈ సోదాలు నిర్వహిస్తున్నట్లు తెలుస్తుంది.
ఒక ప్రైవేటు పాఠశాల గుర్తింపు పత్రాల పునరుద్ధరణ కోసం రూ. 60,000 లంచం తీసుకుంటూ మంగళవారం నాడు రెడ్ హ్యాండెడ్గా పట్టుబడటంతో, అధికారులు తదుపరి చర్యల్లో భాగంగా తెలంగాణ వ్యాప్తంగా సుమారు 10 ప్రాంతాల్లో ఏకకాలంలో సోదాలు చేపట్టారు.
ముఖ్యంగా హైదరాబాద్, రంగారెడ్డి, వరంగల్, హన్మకొండ లోని ఆయన ఇళ్లు, బంధువుల నివాసాల్లో ఈ తనిఖీలు కొనసాగుతున్నాయి. కాగా ఈ సోదాలకు సంబంధించిన పూర్తి సమాచారం అందుబాటులోకి రావాల్సి ఉంది.
