కోదండ రామస్వామి దేవస్థానం చైర్మన్ ‘అశ్లీల వీడియో’ వైరల్?
Web desc : దేశవ్యాప్తంగా శ్రీరామ నవమి వేడుకలు భక్తిశ్రద్ధలతో జరుగుతుండగా, నెల్లూరు జిల్లాలో ఒక దేవస్థానం చైర్మన్కు సంబంధించిన వివాదాస్పద వీడియో బయటకు రావడం సంచలనంగా మారింది.
చిల్లకూరు మండలం తమ్మిపట్నం వద్ద ఉన్న ప్రసిద్ధ కోదండ రామస్వామి దేవస్థానం చైర్మన్ కోట సతీష్ యాదవ్పై తీవ్ర ఆరోపణలు వెల్లువెత్తుతున్నాయి.
గెస్ట్ హౌస్లో అసభ్య ప్రవర్తన? సోషల్ మీడియాలో వైరల్ అవుతున్న వీడియోలో కోట సతీష్ యాదవ్, మరికొందరు వ్యక్తులతో కలిసి ఒక గెస్ట్ హౌస్లో మహిళతో అసభ్యంగా ప్రవర్తిస్తున్నట్లు ఆరోపణలు వినిపిస్తున్నాయి. ఈ వీడియోలో మద్యం, డ్యాన్సులు మరియు అశ్లీల దృశ్యాలు ఉన్నాయని నెటిజన్లు మండిపడుతున్నారు.
ఈ ఘటనలో ముత్యాలమ్మ కనుపూరు దేవస్థానం మాజీ బోర్డు సభ్యుడు శివ కుమార్, దువ్వూరు వినయ్ రెడ్డి వంటి వారి పేర్లు కూడా ప్రముఖంగా వినిపిస్తున్నాయి.
రాజకీయ రంగు పులుముకున్న వివాదం. ఈ ఘటనలో పేర్లు వినిపిస్తున్న వ్యక్తులు తెలుగుదేశం పార్టీ (TDP)కి చెందినవారని ప్రచారం జరుగుతుండటంతో ఈ వ్యవహారం రాజకీయంగా సెకల్ రేపుతోంది.
పవిత్రమైన దేవస్థాన పదవుల్లో ఉన్నవారు ఇలాంటి పనులకు పాల్పడటం పార్టీ పరువును బజారున పడేస్తోందని సొంత పార్టీ శ్రేణుల నుంచే విమర్శలు వస్తున్నాయి. ప్రతిపక్షాలు ఈ అంశాన్ని ఆయుధంగా చేసుకుని ప్రభుత్వంపై, అధికార పార్టీపై విమర్శల దాడిని పెంచాయి.
భక్తుల మనోభావాలు దెబ్బతిన్నాయి
శ్రీరామ నవమి వంటి పవిత్ర సమయంలో భక్తి మార్గంలో ఉండాల్సిన దేవాలయ కమిటీ బాధ్యులు, ఇలాంటి అశ్లీల పనుల్లో నిమగ్నమవ్వడంపై భక్తులు తీవ్ర ఆగ్రహం వ్యక్తం చేస్తున్నారు.
“దేవుడి సేవలో ఉండాల్సిన వారు ఇలాంటి పనులకు పాల్పడటం క్షమించరాని నేరం” అని పలువురు అభిప్రాయపడుతున్నారు. తక్షణమే సతీష్ యాదవ్ను పదవి నుంచి తొలగించాలని, ఈ ఘటనపై సమగ్ర విచారణ జరిపి బాధ్యులపై కఠిన చర్యలు తీసుకోవాలని డిమాండ్లు వినిపిస్తున్నాయి.
ప్రస్తుతం ఈ వీడియో యొక్క నిజానిజాలపై స్పష్టత రావాల్సి ఉంది. పోలీసులు లేదా సంబంధిత అధికారులు రంగంలోకి దిగి విచారణ చేపడితేనే అసలు విషయాలు వెలుగులోకి వచ్చే అవకాశం ఉంది.
