విద్యార్థిని ఇంటికి రా..! అంటూ ప్రొఫెసర్ లైంగిక వేదింపులు.. ఆడియో కలకలం
Social media viral : విద్యాబుద్ధులు నేర్పి, విద్యార్థులను ఉన్నత శిఖరాలకు చేర్చాల్సిన ఒక గురువు, కంచే చేను మేసిన చందంగా ప్రవర్తించాడు. శ్రీకాకుళం అంబేడ్కర్ యూనివర్సిటీలో కాంట్రాక్ట్ అసిస్టెంట్ ప్రొఫెసర్గా పనిచేస్తున్న ఒక వ్యక్తి, ఇంజినీరింగ్ మొదటి సంవత్సరం చదువుతున్న విద్యార్థినిపై కన్నేశాడు.
ఆడియో కలకలం – ‘ఐ వాంట్ యూ’ అంటూ వేధింపులు . ఈ ప్రొఫెసర్ బాగోతం అంతా ఒక ఆడియో రికార్డింగ్ ద్వారా బయటపడింది.
“రేపు సెలవు కదా, మా ఇంటికి రా.. ఐ వాంట్ యూ (నువ్వు నాకు కావాలి)” అంటూ ఆ ప్రొఫెసర్ విద్యార్థినితో మాట్లాడిన మాటలు ఇప్పుడు వైరల్గా మారాయి. “మన ప్రయాణం ఎలా ఉండాలో ప్లాన్ చేసుకుందాం, షేర్ చేసుకుందాం” అంటూ ప్రేమ పాఠాల పేరుతో ఆ అమ్మాయిని లొంగదీసుకోవడానికి ప్రయత్నించాడు.
బాధ్యతాయుతమైన పదవిలో ఉండి, కూతురి వయసున్న విద్యార్థిని పట్ల ఇలాంటి అసభ్యకరమైన పదజాలం వాడటం ఆయన వృత్తికే కళంకం తెచ్చేలా ఉంది. ఈ ఆడియో విన్న విద్యార్థి లోకం ఒక్కసారిగా షాక్కు గురైంది.
న్యాయం కోసం పోరాటం – కఠిన చర్యలకు డిమాండ్ : ప్రొఫెసర్ వేధింపులను భరించలేకపోయిన బాధితురాలు ధైర్యంగా ముందుకు వచ్చి విశ్వవిద్యాలయ అధికారులకు ఫిర్యాదు చేసింది. తనను మానసికంగా ఇబ్బంది పెడుతున్నాడని, రక్షణ కల్పించాలని కోరింది. ఈ ఘటనపై స్పందించిన వర్సిటీ అధికారులు విచారణకు ఆదేశించారు.
ఇలాంటి ఘటనలు పునరావృతం కాకుండా ఉండాలంటే, సదరు ప్రొఫెసర్ను తక్షణమే విధుల్లోంచి తొలగించడమే కాకుండా, కఠినమైన క్రిమినల్ చర్యలు తీసుకోవాలని విద్యార్థి సంఘాలు మరియు మహిళా సంఘాలు డిమాండ్ చేస్తున్నాయి. విద్యా దేవాలయాల్లో విద్యార్థినులకు రక్షణ లేకపోతే సమాజం ఎటు పోతుందనే ఆందోళన వ్యక్తమవుతోంది.
